ڪجھ جنم
مون کي اڃان ڪجھ جنم گھرجن
جيڪي تنهنجي زلفن جي
ڇانوري ۾ گھاريان
هي هڪ جنم نا ڪافي آهي
منهنجي لاءِ، هي ته توکي
ڏسندي گذري ويندو
۽ توسان پيار لاءِ ڪي
صدين جا پنڌ رهجي ويندا.
منهنجي سفر جي ڪاميابي لاءِ
سون جنمن جي ضرورت پوندي
پوءِ منهنجي احساس جو پنڌ
پورو ٿيندو.
اڳي جيڪو انسان
نانگ بلائن ۽ وڇون کان ڊنو پئي
اهو انسان هاڻي ان وڇون بلائن کان به
اڳتي نڪري ويو آهي
هاڻي ته ٿر جا وڇون به
انسان کان ڊڄن ٿا
متان اسان لتاڙيا وڃون.