نئون جنم
تنهنجا نيڻ آب حيات وانگر آهن
مان جڏهن به هن ۾ ٽٻي هڻان ٿو
ته مون کي
نئين زندگي ٿي ملي
مان زماني جي گردش کان
مايوس ٿي
۽ زندگي کان تنگ ٿي
پنهنجي حياتي جو ڏيئو
وسائڻ لاءِ
تنهنجي نيڻن جي سمنڊ ۾
غوطا هڻان ٿو
ته منهنجو جيون
نئون جنم وٺي ٿو
وادي اي موت به
منهنجي جيون تي
حيران آهي
ڇو ته
مان هر وقت تنهنجي نيڻن مان
نئون جنم ٿو وٺان
***
پنهنجي ملڻ ويلي هي وقت
به دغا ٿو ڪري
سالن جو سفر
چند لمحن ۾ گذريو پوي.