شاعري

ساڌٻيلي جا گيت

رسول ميمڻ جي 1979ع ۾ ڇپيل پهرئين شعري مجموعي ”اوشا جي آشا“ کان چاليهه سال پوءِ اڄ 2019ع ۾ سندس شاعريءَ جو هي ڪتاب ”ساڌ ٻيلي جا گيت“ آن لائين ٿي رهيو آهي ته هن جا ڪارا وار چاندي چاندي ٿي چُڪا آهن، مگر انهن چاندي وارن جي پويان سندس اعليٰ شعور جي اُجري ۽ اوچي پرواز ڪٿي پهتي آهي، اهو اوهان کي هي ڪتاب ٻُڌائيندو.“

  • 4.5/5.0
  • 2947
  • 624
  • آخري ڀيرو اپڊيٽ ٿيو:
  • رسول ميمڻ
  • ڇاپو پھريون
Title Cover of book Saadh Baily Ja Geet

Insomnia

رات جي قبرستان ۾
ننڊ جي تَهن هيٺان،
دفن آهن اکيون.
پنبڻيون بند تابُوت جيان،
هر اک ٿي وئي بند.،
شهر جر دروازن وانگر
سڀ خواب ٿي ويا قيد.
سرڪش غلامن وانگر
رات، ورهائيندي وئي سُڪون
ننڊ جي صورت ۾.
اُجھامندا ويا اکين جا ڏيئا،
هر هڪ مورت ۾
پر منهنجين اکڙين ۾
چڻگون ستارَن جون
چانڊوڪيءَ جي ٽانڊن جيان
دُکنديون رهيون.
رات مري ويل محبُوبا جيان
ٿڌي ٿي وئي.
ننڊ رُسي ويل محبُوبا جيان
انڌي ٿي وئي.
رات جي رڻ ۾ رڙ ڪري
مون اوندهه کي چيو:
”ايڏو اوجاڳو!“
هر اک ۾ لهندا ويا پڙاڏا
اوجاڳو..... اوجاڳو...... اوجاڳو.............