تنهنجو مون سان پيار نه هيو
پر هئي ڪا پيار جهڙي شيءِ،
محبت ۽ نفرت جي ڄار ۾
اکڙين جي هيرا ڦيري،
چپڙن جي ڦير ڦار ۾
ٿورو فرق آهي-
شايد ڪڏهن هيا انسان
اسين صداڪار آهيون،
انسانَ نه آهيون
انسانن جا اداڪار آهيون.
پيار ته آهي دل جي ڳوٿل مٽي،
رنگ رت جو نه رهيو ساڳيو
ڇو ويو آهي ڦٽي.؟
پيار ڪا ايجاد نه آهي،
پيار تجربي گاهه ناهي.
پيار وهندڙ واههُ آهي،
نفرتن جي هيڊن ڪنارَن تي،
پيار سائو گاهه آهي.
ڪا خبر نه آهي پيارا
ڪهڙي ٿي سگھي ٿي
پيار جهڙي شيءِ؟