26
هن چيو ته، هائو.
۽ ڳجهه اڻ مٽ آهي، ۽ ظاهر سدائين ڦرندڙ گهرندڙ آهي.
هن وري به چيو ته، هائو.
۽ اسين انسان، جسم ۽ روح جا ٺهيل آهيون؟
هن جواب ڏنو ته، بلڪل ائين آهي.
۽ جسم، هستيءَ جي ٻنهي قسمن مان ڪهڙي قسم سان مشابهت ۽ لاڳاپو ٿو رکي؟
هن جواب ڏنو ته، بلڪل صاف آهي ته ظاهر سان.
۽ روح، اهو ظاهر آهي يا ڳجهه؟
هن چيو ته، سقراط، روح ماڻهوءَ لاءِ ڳجهه آهي.
پر ظاهر ۽ ڳجهه جي معنيَ آهي، ظاهر ۽ ڳجهه فقط ماڻهوءَ لاءِ. ائين آهي يا نه؟
هائو، اها ئي معنيَ آهي.
تڏهن ڀلا اسين روح کي ڇا ڪري ٿا ليکيون؟ ڇا اهو ظاهر آهي؟
اهو ظاهر نه آهي.
تڏهن اهو ڳجهه آهي؟
هائو.
تڏهن روح ڳجهه جهڙو آهي، ۽ بدن ظاهر جهڙو آهي.
ضرور ائين ئي آهي. سقراط.