54
هن چيو ته، هائو، بلڪل چڱي طرح.
هن چيو ته، تڏهن مون کي ٻڌاءِ ته، جسم ۾ اها ڪهڙي شيءِ آهي جا هن کي حيات رکي ٿي؟
هن ورندي ڏني ته، روح.
۽ سدائين ائين آهي؟
هن چيو ته، ضرور.
تڏهن جيڪا به شيءِ پاڻ وٽ روح رکي ٿي، تنهن وٽ هو ئي حياتي آڻي ٿو.
هن جواب ڏنو ته، بلاشڪ.
۽ حياتيءَ جي مخالف به ڪجهه آهي، يا نه؟
هائو.
اهو ڇا آهي؟
موت.
۽ اسين اڳيئي قبول ڪري چڪا آهيون ته، روح ڪڏهين به پاڻ وٽ انهيءَ کي اچڻ نه ڏيندو جو مخالف آهي انهيءَ جي جيڪي هو پاڻ سان آڻي ٿو؟
ڪيبيز چيو ته، هائو، تحقيق اسان اها ڳالهه قبول ڪئي آهي.