تاريخ، فلسفو ۽ سياست

نعره مستانه (ڪالمن جو مجموعو)

نعرہ مستانه سنڌ جي تاريخ ساز شخصيت، سياستدان، صحافي ۽ برصغير جي آزاديءَ جي ممتاز اڳواڻ شيخ عبدالمجيد سنڌيءَ جي تحرير جو نالو آھي، جو الوحيد جھڙي تحريڪ ساز اخبار ۾ شايع ٿيندو ھو.
Title Cover of book نعره مستانه (ڪالمن جو مجموعو)

شيخ عبدالمجيد سنڌي ( عظيم شخصيت )

شيخ صاحب جھڙيون مقتدر ۽ نامور ھستيون صدين کان پوءِ مشڪل سان پيدا ٿين ٿيون. اھي ملڪ ۽ قومون خوش نصيب آھن، جن ۾ ھھڙا ماڻھو پيدا ٿين ٿا، سندن خداداد لياقتن مان پورو فائدو نه وٺڻ ۽ انھن جي خدمتن جي قدر شناسي نه ڪرڻ قومن کي عتاب جو مستحق بڻائي ٿو. حقيقت ۾ اھڙي بزرگ ھستيءَ جي بيان ڪرڻ لاءِ ھڪ علحدي ڪتاب ۽ شبلي نعمانيءَ جھڙن عالمن جي قلم جي ضرورت آھي، ھتي چند صفحن ۾ سندس زندگيءَ کي قلمبند ڪرڻ ڪمال بي ادبي آھي. ليڪن سندس مدح خوانن مان ھڪ ھئڻ جي حيثيت ۾، اھا جرئت ۽ گستاخي ان لاءِ ڪري رھيو آھيان ته جيئن ھن پنھنجي طويل بي مزي ۽ غير دلچسپ ڪھاڻيءَ کي پسنديدہ ۽ دلچسپ بڻايان. روز حساب تي ھن فرض ناشناس قوم کي جنھن جي خدمتگارن جي زمري ۾ اسين سڀ داخل آھيون، انھيءَ ڪري سزاياب نه ڪج جو ھنن ھھڙن دوالي بند، فاقه ڪش ۽ بينظير قومي خدمتن جو قدر نه ڪري، سامراجين جي نيڪ پروردن فرعون صفت، خودمطلب ۽ جاھل فردن کي حاڪم ۽ اسلام جو علمبردار بڻايو، ۽ ھڪ اھڙي اسلام جي شيدائيءَ جو قدر نه سڃاتو، جنھن پنھنجي ترقي يافته، شاھوڪار ۽ قدر شناس قوم کي خيرآباد چئي، پاڻ کي صرف حلقه غلامان ﷴؐ ۾ ان لاءِ داخل ڪيو جو ان پسماندہ ۽ مسڪين قوم کي خادمن جي گھڻي ضرورت ھئي. آءٌ شاھدي ٿو ڏيان ته، ڪي آھين، جي ھن کي سڃاڻن به ٿا، ۽ قدر به ڪن ٿا. ھي برصغير ھند- پاڪ ۾ غير معمولي صلاحيتن، سياسي قابليت ۽ ملڪي تدبر جو چونڊ فرد آھي. خدا سائين جي بارگاھ ۾ دعا آھي ته کيس جنت الفردوس ۾ جاءِ عطا فرمائي، (آمين)

جي ايم سيد
” جنب گذاريم جن سين تان ورتل “