شاعري

ڪَنڌيءَ اَڪَ ڦُلاريا

تاجل بيوس عوامي شاعر آھي، جنھن جي شاعريءَ جا موضوع ۽ مضمون ٺيٺ سنڌي سماج سان ڳانڍاپيل آهن. سنڌ ۽ سنڌي ماڻھن سان ٿيندڙ ويلن کان سواءِ هن اُن خوشيءَ ۽ الميي جو سندس شاعريءَ ۾ ذڪر ملندو، جيڪي سنڌي ماڻھن سان پيش آيل آهن. تاجل بيوس جي شاعريءَ ۾ استعمال ڪيل ٻولي، محاورا، تشبيھون، موضوع، سڀ جا سڀ عوام جا آهن ۽ عوامي ٻوليءَ ۾ آھن. ھن ڪتاب ۾ بيت ۽ وايون شامل آھن.

  • 4.5/5.0
  • 3
  • 0
  • آخري ڀيرو اپڊيٽ ٿيو:
  • تاجل بيوس
  • ڇاپو پھريون
Title Cover of book ڪَنڌيءَ اَڪَ ڦُلاريا

سَرُ سڄو سائُون(1)

سَرُ سڄو سائُون(1)
تون ڪيئن پِني پاٽيون؟

ڏاگها ڀَري ڏٿ جا، آندم اُتائُون
سَرُ سڄو سائُون

اچو مَڪَ مندائتي، کيٿريون کائُون
سَرُ سڄو سائُون

ڪلھي، ڦاٽا ڪنجرا، سڀئي سبيائَون
سَرُ سڄو سائُو

ٺارين ٺانگر ٿانوَ جيئن. هِن مند هوائُون
سَرُ سڄو سائُون
تون ڪيئن پِني پاٽيون؟


(1) ڪرنگهہ يا سائُون، جنھن جو ٿري ماڻھو ڀَتُ يا رَٻَ ٺاهيندا آهن. سنڌ ۾ سائون جوارِن جي ٻَنن سان بہ پوکيو ويندو آهي.