شاعري

ڪَنڌيءَ اَڪَ ڦُلاريا

تاجل بيوس عوامي شاعر آھي، جنھن جي شاعريءَ جا موضوع ۽ مضمون ٺيٺ سنڌي سماج سان ڳانڍاپيل آهن. سنڌ ۽ سنڌي ماڻھن سان ٿيندڙ ويلن کان سواءِ هن اُن خوشيءَ ۽ الميي جو سندس شاعريءَ ۾ ذڪر ملندو، جيڪي سنڌي ماڻھن سان پيش آيل آهن. تاجل بيوس جي شاعريءَ ۾ استعمال ڪيل ٻولي، محاورا، تشبيھون، موضوع، سڀ جا سڀ عوام جا آهن ۽ عوامي ٻوليءَ ۾ آھن. ھن ڪتاب ۾ بيت ۽ وايون شامل آھن.

  • 4.5/5.0
  • 3
  • 0
  • آخري ڀيرو اپڊيٽ ٿيو:
  • تاجل بيوس
  • ڇاپو پھريون
Title Cover of book ڪَنڌيءَ اَڪَ ڦُلاريا

ڏورِين ٿا ڏاتارَ

ڏورِين ٿا ڏاتارَ
پوياڙيءَ کان پنڌ ڪري

ويٺا ناهن واٽ تي، الک جي آڌار
ڏورِين ٿا ڏاتارَ

ڪندا ناهن ڪُرنشون (1) جهيڙي ۾ جهونجهار
ڏورِين ٿا ڏاتارَ

ڪيرُ لِڪائَي لوڪ کان، هيڏِي سارِي هار!
ڏورِين ٿا ڏاتارَ

پوياڙيءَ کان پنڌ ڪري

*
(1) آزيون نيازيون ڪرڻ – گوڏا ڀڃي وينتي ڪرڻ