مختلف موضوع

پنھنجن جا پيغام (خط)

خطن جي هن مجموعي ۾ سنڌ جي برک اديب، محقق ۽ تاريخدان دادا سنڌي ڏانھن ٽيھن سالن دوران لکيل مختلف اديبن جا خط شامل آهن، جن ۾ هر قسم جي موضوعن يعني ادبي، سماجي ۽ ڪجهہ ذاتي نوعيت جا خط بہ شامل آهن. خطن جي هن مجموعي مان اسان کي ليکڪ جي واسطن ۽ رابطن سان گڏ ان جي زندگيءَ جي تلخ تجربن، جدوجھد، خوشين ۽ غمن جي جهلڪ پڻ نظر اچي ٿي تہ ان ليکڪ ڪيئن پنهنجي مقصد کي قائم ۽ دائم رکيو.

  • 4.5/5.0
  • 6
  • 1
  • آخري ڀيرو اپڊيٽ ٿيو:
  • دادا سنڌي
  • ڇاپو پھريون
Title Cover of book Panhenjan Ja Paigham

1974

31

شڪارپور ( سنڌ )
1974 – 9 – 13

محترم سائين
اميد تہ خوش هوندا. ڪيتري عرصي کان نہ اوهان آيا آهيو نہ ڪو خط موڪليو اٿو نہ ڪو احوال. نہ وري ڪو پرين پيارو ئي لڙي آيو آهي. اسان تہ روز ٿا ڪانو اڏاريون. تہ ڪڏهن من گهريا دوست اچن. مون کي اميد آهي تہ اوهان بلڪل چاق ۽ چوبند هوندا. احوال ڏيڻ پسند ڪيو تہ هن خاد م جي ائڊريس هي آهي. بيدل مسرور بدوي ، مسرور گهٽي شڪارپور سنڌ. دوستن ، احبابن ۽ فقرا کي سلام ۽ حق موجود چوندا.

اوهان جو پراڻو ۽ ساڳيو خادم
بيدل مسرور