1990
Sukkur
14 – 1- 1990
Mr. Dada Sindhi
Government High School Dad Leghari
SUBJECT: SEMINAR ON MIRBAHARS.
The Deputy Commissioner , Sukkur has been pleased to convence a meeting on January 17, 1990 at 12-00 Noon in his personal office in the connection with organization of “ Seminar on Mirbahars “ at Sukkur.
Your are requested to please make it convenient to attend the meeting on the above date, time and place.
Additional Deputy Commissioner , Sukkur.
122
ڊسٽرڪٽ هسٽاريڪل اينڊ ڪلچرل سوسائٽي سکر سنڌ
تاريخ : 1990 – 2 – 15
سنڌ ملاح سيمينار سکر
محترم سائين دادا سنڌي صاحب!
” ڊسٽرڪٽ هسٽاريڪل اينڊ ڪلچرل سوسائٽي سکر “ پاران سنڌ جي ملاحن ۽ انھن جي درياهي زندگي تي ٻن ڏينھن جو ” سنڌ ملاح سيمينار 90 “ خميس پھرين مارچ کان جمعو ٻين مارچ 1990 تائين ” لب مھراڻ سکر “ ۾ منعقد ڪرڻ جو پروگرام رٿيو ويو آهي، جنھن جو تفصيلي پروگرام ۽ باقاعدہ دعتونامو اوهان ڏانھن جلد اماڻيو ويندو.
اسان اوهان جي خدمت ۾ هن سيمينار ۾ شرڪت ڪرڻ ۽ پنھنجو مقالو پڙهڻ جي دعوت ٿا ڏيون. اوهان پنھنجو مقالو سنڌ جي ملاحن، انھن جي درياهي زندگي، تاريخ ۽ ثقافت ۽ معاشي مسئلن وغيرہ جي ڪھڙي بہ حوالي ۽ عنوان سان ڪھڙي بہ ٻولي ۾ پڙهي سگهو ٿا.
اميد تہ اوهان ڏانھن سيمينار ۾ شرڪت ڪرڻ ۽ مقالي پڙهڻ جو ترت اطلاع ڏياري موڪليندا تہ جيئن اسان کي اوهان جي طعام ۽ قيام جي بھتر انتظام ڪرڻ ۾ آساني ٿئي.
وڏي مھرباني
آسائتو
اختر درگاهي
سيڪريٽري
سنڌ ملاح سيمينار سکر 1990ع
123
سکر
1990 – 02 – 12
سنڌڙي رهي اسين نہ رهياسين تہ ڇا ٿيو ( رشيد ڀٽي )
سنڌي ٻولي جي مشهور اديب ۽ دانشور مرحوم رشيد ڀٽي جي ٻي ورسي جي موقعي تي سندس ياد ۾، سنڌي ادبي سنگت سکر شاخ پاران هڪ ادبي ميڙ 16 فيبروري 1990 تي ( جمعي ڏينھن ) صبح نائين وڳي جاگيراڻي محلي سکر ۾ ٿيندو. انھيءَ موقعي تي رشيد ڀٽي جي فن ۽ شخصيت بابت ناميارا ليکڪ مقالا ۽ تاثر پڙهندا. ان موقعي تي رشيد ڀٽي مرحوم جي عزيزن پاران خيرات جي ماني بہ ٿيندي . اوهان کي انھيءَ گڏجاڻي ۾ شريڪ ٿيڻ لاءِ دلي طرح ڪوٺ ڏجي ٿي
آجيان ڪندڙ : فتاح ملڪ، بدرالدين ڀٽي، سعيد ڀٽي، خالد ڀٽي
آسائتا : شفن مڱريو ( سيڪريٽري سنڌي ادبي سنگت، شاخ سکر )
124
پنو عاقل
1 مئي 1990
آجياڻو
سنڌي ادبي سنگت پنوعاقل تاريخ 3 مئي 1990 خميس جي ڏينھن شام جو 7 وڳي سنگت جي مرڪزي باڊي جي شان ۾ هڪ آجياڻون ڏيئي رهي آهي. اوهان صاحبن کي آجياڻي ۾ شريڪ ٿيڻ جو سڏ ڏجي ٿو. اميد تہ شريڪ ٿي ٿورائتو ڪندا.
ايس جي ڀاڳيا
پنو عاقل
سيڪريٽري سنڌي ادبي سنگت
سٽاءُ
پھرين ويھڪ
صدارت : فقير محمد لاشاري ( چيف ايڊيٽر روزانہ عوامي آواز ڪراچي )
مھمان خاص : تاج جويو، اياز گل، نياز پنھور، پارس حميد.
ٻي ويھڪ
صدارت : اعجاز منگي
مھمان خاص : وسيم سومرو
اعزازي مھمان : شڪيل پريالوي
125
ٽالپور وڏا
1990 – 5 – 16
سڄڻ سائين دادا سنڌي صاحب!
اميد اٿم تہ خوش هوندا. ريڊيو اسٽيشن خيرپور تان خبر پئي تہ اوهان کي منھنجو خط بہ مليو آهي ۽ جنھن ڏينھن اوهان اُتي آيا هيا ان ڏينھن مان بہ آيو هئس، پر اوهان جي هلئي وڃڻ کان ڪجهہ دير پوءِ. ملاقات نہ ٿي سگهي. افسوس رهجي ويو. جيتوڻيڪ دوستن اوهان کي منھنجي باري ۾ ٻڌايو هيو تہ اُهو اڄ ايندو، پر اوهان اهو چئي هليا ويا تہ ” او بھي غم هين، غم عشق ڪي سوا“. بيشڪ مان اهڙو شخص ناهيان جنھن لاءِ ترسجي، پنھنجو قيمتي وقت وڃائجي ۽ ڪم ڪاريون ڇڏي ڏجن. اوهان سنڌ ۽ سنڌين لاءِ سٺو ڪم پيا ڪريو، جنھن جو ڪجهہ نمونو مون ريڊيو اسٽيشن تي دوستن وٽ ڏٺو. مون کي جنھن مواد جي ضرورت هئي اهو بہ اوهان جھڙن دوستن کان ملي ٿي سگهيو، پر گهڻي ڏک سان چوڻو ٿو پوي تہ مواد تہ پنھنجي جاءِ تي پر اوهان خط جو جواب ڏيڻ بہ مناسب نہ سمجهيو. منھنجا سائين جن کي قدرت وارو نوازيندو آهي، مون جھڙا سوالي ۽ مسڪين ماڻھو ان جي در تي ضرور ايندا آهن! پوءِ اهو ڪيستائين مناسب آهي تہ اهڙن ماڻھن کي نفرت جو اظھار ڪري ڌڪاري ڇڏجي. مون کي اوهان جي طبيعت بابت تہ ڄاڻ ڪانھي پر ڀائو شوڪت صاحب جي يقين ڏيارڻ تي اوهان ڏانھن جرئت ڪري، آس رکي خط لکيم. جواب نہ مليو پر اها خبر پئي تہ خط اوهان کي مليو آهي. ڪجهہ ڏينھن جواب جي انتظار ۾ گذري ويا، نيٺ اڄ وري خط لکان پيو. اندران ڪائي آس چوي ٿي تہ ليکڪ ۽ شاعر يا مھاوديارٿي ماڻھو ايڏا سخت دل نہ هوندا آهن. وري بہ اوهان جي مرضي.
خط جو جواب نہ مليو تہ اهو ئي سمجهندس تہ اوهان کي سنڌي ادب جي جاکوڙ، کوجنا ۽ خدمت کان ايترو وقت نہ ٿو بچي جو خط جو جواب ڏيو. نہ تہ ليکڪ جي حيثيت سان توهان جو منھنجو هڪ ناتو آهي.پر جيڪڏهن اوهان اهو ناتو نڀائڻ نہ ٿا چاهيو تہ مان ڪير آهيان. اوهان کي مجبور ڪرڻ وارو! پر ايترو ضرور سوچيندس تہ شاباس آهي. انھن دوستن کي جيڪي ٻاهرين ملڪن مان سوين رپيا خرچ ڪري، پريم پتر لکي پيار وڌائين پيا، پر اسان هڪ ديس واسي بہ هڪ ٻئي کان ڪيترو پري آهيون.
اوهان جو پنھنجو
ڪرم ٽالپور
126
1990- 6 - 13
هادي بخش شاھہ جيلاني
اڄاڻن ون اٻوجهيون، سڄاڻي سنيسيون ڪي
ڍلا پٺ ڀلن جي، رڙهي راھہ پون
اداب تسليمات
جي واضع تہ رب جلال محابي مرسل جي اوهان جي روح پر فتوح ۽ جسم محترم کي لطف و ڪرم سان نوازي. آمين.
عاجز 16 سالن کان بيمار بستر داخل، هلڻ ۽ اٿڻ ۾ انوکائي، مالڪن جي موڪليل سوکڙي ۾ مشغول، دن پيو گهاري، آءُ ريٽائرڊ پرائمري ماستر آهيان. ڊيوٽي سان گڏ، تصوف تي لکڻ ۽ صحبت مشغله رهيو ۽ هاڻي بہ آهي.
مون تصوف تي 43 سال پورهيو ڪيو. ان جو تت ۽ ست ( صوفي ساڃاھہ ) نالي 74 ۽ 1976 ۾ اظھار ڪيم، سورائتي سنڌ ڇپائي جي مرحلي ۾ آهي.
اهي قرب مومن پبليڪيشن نوان جتوئي، محترم مومن جمال الدين خاصخيلي ڪندو آهي. هاڻي ڏھہ ڏاتار تي لکڻ جو چاھہ آهي. ٽالپور وڏا جو فقراءَ منھنجو سرچشم آهي، ان جو مکيه رڪن، محترم فوجي قادر بخش فقير ٽالپر اوها صاحبن سان ريڊيو اسٽيشن خيرپور تي ملاقاتي ٿيو، ان اوهان جي قربائتي ڪھاڻي بيان ڪئي. هن اوهان ڏي ڪي تحفه ٽپال ذريعي بہ موڪليا آهن. هن ٻڌايو تہ سائين اوهان وٽ قرب جا قدم ڌريندو، ڏاڍي خوشي ٿي. هن ٻڌايو تہ سائين وٽ ڏاھہ ڏاتار متعلق ڪتاب آهي ۽ مواد بہ آهي. اهو موڪليندو.و ڏي مھرباني ٿيندي، غريب بندي بيمار جي مدد اڪبري حج آهي.
يھي عبادت، يھي هي ايمان
که کام آئي دنيامين انسان کو انسان
ڏهن ڏاتارن ۾ مواد جادم جکرو، لاکو ڦلاڻي، سپڙ سخي، ۽ جسوتن آگرو هٿ آيو آهي. جکرو ۽ سپڙ ريڊيو اسٽييشن خيرپور تان جسوتن ۽ بڊاماڻي پنرو ٿورو هٿ آيل آهي. ڄام انڙ، ڄام ڏاتار، راءِ ڏياج، راجا ڀوڄراج گهرجن يا ڪو ٻيو.
اتي منھنجو سائين ورهين جو وڇڙيل سائين حڪيم منظور حسين شاھہ اصل هنڊياري ( ضلعه خيرپور ) جو هجي تہ شامل خط عرض رکجو. زيادہ ﷲ سائين جي امن و امان. ڪتاب ٽالپورين پھتا، تہ بہ مون وٽ آهن. واپس بہ ڪري سگهبا. مواد هجي تہ بہ موڪلڻ جي مھرباني.
دُعا درويشان رحم الاهي
حق موجود
اوهان جو
صوفي قربان علي قربان خاصخيلي
پوسٽ بوزدار وڏا، ڪنب ضلع خيرپور ميرس ( سنڌ )