1997
دعوہ اڪيڊمي بين الاقوامي يونيورسٽي اسلام آباد
اسلام آباد
1997- 6 – 03
مڪرمي و محترمي جناب دادا صاحب
اسلام عليڪم! اوهان جو خط پھتو، چونڪه آءُ حج بيت ﷲ جي سعادت حاصل ڪرڻ لاءِ ويل هئس. ان لاءِ جواب ۾ تاخير ٿي. خط پڙهي اوهان جي حالات کان آگاهي حاصل ٿي. منھنجي ﷲ تعالى کان دعا آهي تہ اوهان کي شفا عطا ڪري ۽ اوهان جي صحت ٺيڪ ٿئي.
اوهان ڪتابن بابت پڇيو آهي. ان لاءِ اوهان جو ڪتاب ” اسلامي بيداري “ شعبہ مطلوبات ۾ رکيل آهي ۽ جڏهن ٻيا سنڌي جا ڪتاب ڇپيا تہ اهو ڪتاب بہ ڇپجي ويندو. باقي علي المرتضى جو مسودو پيل آهي. ان لاءِ گذارش آهي تہ ان ڪتاب کان اڳ بہ اسان وٽ ڪيئي ڪتاب پيل آهن. ان لاءِ نمبر اچڻ تي ان جي طباعت کي بہ ممڪن بنائيندا سين.
اوهان اسلامي ڪتابن موڪلڻ بابت لکيو آهي. سو اسان توهان ڏانھن اڪيڊمي جا ڪجهہ سنڌي ڪتاب ارسال ڪري رهيا آهيون. اهي ملڻ شرط آگاھہ ڪندا تہ بھتر ٿيندو. جڏهن اوهان لاءِ ڪو ترجمي يا نظرثاني جو ڪم نڪتو تہ ضرور ياد ڪنداسين. في الحال تہ ڪم رڪيل آهي.
ﷲ تعالى کان دعا آهي تہ اوهان جلد صحتياب ٿيو. سلام دوست احباب کي ڏيندا.
والسلام
اميرالدين مھر
اسٽنٽ پروفيسر دعوہ اڪيڊمي
اسلام آباد
168
دعوہ اڪيڊمي بين الاقوامي يونيورسٽي اسلام آباد
اسلام آباد
1997- 7 – 30
مڪرمي و محترمي جناب دادا صاحب
اسلام عليڪم و رحمتہ ﷲ وبرڪاته
مزاج گرامي بخير وعافيت هوندا. آمين. المقصد اوهان جو نوازش نامو مليو. پڙهي دل خوش ٿي. جواب حاضر خدمت آهي. ﷲ تعالى کان دعا آهي تہ اوهان جلد صحتياب ٿيو. اوهان ڏانھن اڪيڊمي طرفان موڪليل ڪتاب اٻاوڙي گورنمينٽ هاءِ اسڪول جي ائڊريس تي موڪليا ويا آهن. اوهان جاچ ڪريو اميد تہ ملي ويندا.
ٻيو عرض تہ اوهان جيڪي ڪتاب گهُريا آهن. اهي انشاءَ ﷲ موقعي مناسبت سان ارسال ڪبا. وڌيڪ خيريت . دعائن ۾ ياد رکندا.
والسلام
امير الدين مھر
اسٽنٽ پروفيسر دعوہ اڪيڊمي
اسلام آباد