6. شام جو روز زندگي ڦَٿِڪي
تشنگيءَ لاءِ تشنگي ڦَٿِڪي
بيڪسي اَهڙي ڪا وَرائي ويس
پاڻ کي پاڻ ئي ڇُهي ڦَٿِڪي
گھاوَ اَهڙا به ڪي مِليا آهن
گَر سُبان ٿو ، سَڳو سُئي ڦَٿِڪي
آ مَــزو اِنــتـظـار ۾ ، سَـچُ آ
جي مِلي ڪوئي، دل چري ڦَٿِڪي
نــاهـهِ سَوَلـو اَدا ٿِــيڻ شاعر
لفظ در لفظ هوُ لِکي ڦَٿِڪي
چور ، چالاڪ ، سنت ، ساڌوُ هِت
هَـرڪو درويش ۽ رِشي ڦَٿِڪي
بيخوديءَ ۾ بَـيـان ڪَهڙو ڏِجي
ڦَٿِڪيِ ڦَٿِڪيِ وَري وَري ڦَٿِڪي