8.چند اُميدوُن پوُري رَکجن
وقت پَوڻ تي کوٽي ڪڍجن
ڳڙنِ پَگھَرَ جوُن اُڀَ مان بوُندوُن
پنهنجي هَٿ ۾ جيڪر جھلجن
خواب سموُرا محفوُظ رهن
اَهڙيوُن اَکڙيوُن ڳولهي لـهِـجن
لَــهـڻـو اَڄُ جو لاهـِــڻَ خـاطــر
سمنڊ ڏئي سڀُ رڻ پَٽ وٺجن
خالي کوکا موُنکي ڏيـندا
ٻارن لءِ رانديڪا گھُرجن
چورايل رَت سان ڇا لِکبو
وَڍِ پنهنجي آڱر يُگ مَٽجنِ
چنـد گُــــنـاهـــن تــي ويسھُه آ
وقت ڏُکئي ۾ ٻيلي بڻجن
هوُندا سِجّ ته اُڀري ايندا
اوُندھه ۾ سڀُ اُڇلي ڇَڏِجن