ڪارو ڪوٽ
مون وٽ اڳتي هلي هڪ اهڙي قاتل جو ڪيس پھتو هو. جنھنجي سرپرستن منھنجي نہ چاهڻ باوجود بہ هڪ ڪارو ڪوٽ مون کي تحفي طور ڏنو هو ۽ تاڪيد ڪئي هئائون تہ ڪيئن بہ ڪري آءٌ اهو ڪيس وڙهان.... ۽ مون اهو ڪيس وڏي جوش ۽ جذبي سان وڙهيو هو .... ۽ ڪوٽ کي مون ائين سانڀي رکيو هو .... جيئن ايندڙ ڏينھن ۾ آءٌ باقاعدي جج جي منصب تي فائز ٿي اهو ڪوٽ پھري سگهان !!
قاتل ان ڪيس مان جڏهن مڪمل بري ٿي ويو هو تہ سندءِ سرپرستن مون کي واڌائي ڏيندي هڪ وڏو ٽھڪ ڏنو هو.... ۽ چيو هئائون : هاڻ تون صحيح معنيٰ ۾ جج آهين.... اهو ڪوٽ بنا ڪنھن کٽڪي جي پائي سگهي ٿو ....!!