ايندين تہ ڇا ٿيندو
پيالو پرت جو پيارا، پياريندين تہ ڇا ٿيندو؟
نہ ڪر ناحق نماڻن سان، نہ ٿي ڪوڙو قريبن سان،
ڪري زورو ضعيفن کان، نٽائيندين تہ ڇا ٿيندو.
بدن بلبل بستاني، پسائج جلد مون جاني،
اها سڌ يار سائل جي، پڄائيندين تہ ڇا ٿيندو؟
سڄڻ سيني کي سينگاري وڌيئي ڏيل مون ڏاري،
مٺا مسڪين کي ماري پڏائيندين تہ ڇا ٿيندو؟
نھوڙي يار نيڻن سان، مون کي موهيو تو ماڻن سان،
خوشيءَ جي ڪا گهڙي ”گل“ سان، جي گهاريندين تہ ٿا ٿيندو؟