سهراب فقيرَ جي تڏي تي موجود تعزيتي نوٽ بوڪ
[b]شوڪت علي ميمڻ (معصوم مختيار)[/b]
ڇاچوان، ڇا لکان نه لکي ٿو سگهان ۽ نه ڪڇي ٿو سگهان، فقير سهراب لاءِ هڪ ئي سٽ لکان ٿو ته: محبت جي ميدان ۾، نسنگ ٿيا نروار
[b]الستي فقير[/b]
سهراب فقير جو وڇوڙو ڪو عام وڇوڙو ڪونهي. هو هڪ عظيم فنڪار هو، جنهن جي وڇوڙي جو خال صدين تائين نه ڀرجي سگهندو. مون مٿان ته هو تمام گهڻو مهربان هوندو هو. نهايت شفقت سان پيش ايندو هو.
[b]شريف عباسي[/b]
فقير سهراب مرشد ڀائي ۽ روحانيت جو ڀاءُ هو. هو مون کان عمر ۾ ننڍو هو. اسان گڏ رهياسي. راڳ ويراڳ جون محفلون گڏ ڪيون. سهراب فقير، قلندر بخش ۽ منهنجو گڏ سُنگ هوندو هو اسان مرشد پاڪ جون ڊيوٽيون گڏ ڏيندا هئاسي. هن وقت فقير اسان کان جُدائي ڪري ويو، مونکي دلي صدمو پهتو آهي.
[b]رمز علي فقير[/b]
اسان کي نهايت افسوس آهي ته سنڌ ڌرتيءَ جي سُڃاڻ ۽ آواز جي دنيا جو لاڏلو هر دلعزيز انسان ۽ خيرپور ضلعي جي مٽيءَ مان جنم وٺندڙ مهان فنڪار سهراب فقير اسان کان سدائين لاءِ جُدا ٿي ويو آهي. هر سج اڀرندو ئي لهڻ جي ڪري آهي. اسين نهايت ڏکارا آهيون.
[b]سگھڙ حسين بخش رڏ [/b]
سهراب فقير ظاهري توڙي باطني رنگ ۾ ريٽو ٿيل سالڪ، انسان دوست، فڪر و فن، محبت ۽ رياضت جو قائل هو. حق موجود ـــ سدا موجود جون صدائون آلاپيندڙ ازلي آواز، مالڪ مرشد ڪامل جي ذڪر ۽ فڪر تي ثابت قدميءَ سان عمل ڪندڙ باعمل ــ خوش لباس ـــ خوش گلو ۽ اهلِ دل فقير هو ـــ سندس شفقت ۽ پيار جو ڪاٿو نه ٿو ڪري سگهجي هن امر راڳيءَ جون امر تخليقون رهندي دنيا تائين قائم ۽ دائم رهنديون.
[b]شفيع فقير[/b]
سهراب فقير ڪلاسيڪل لوڪ فنڪار هو ــ سندس ڳائڻ ۾ انهن ٻنهي ڳڻن ۽ خوشبوءِ ايندي هئي هن جي آواز جي سَحر ۾ موسيقيءَ جا چاهيندڙ صدين تائين مسحور رهندا.
[b]عبدالغفور سومرو[/b]
دل روئي ٿي ۽ اکيون واجھائين ٿيون ته هن ڌرتيءَ جو عظيم فنڪار، مٺو آواز ڪيڏانهن ويو. ايترو خال ٿي ويو، جو شايد سؤ سالن ۾ پورو نه ٿي سگهندو. اڄ صوفي ازم جي هڪ وڏي سفر ڪندڙ فقير، سهراب فقير جو زمين تي هلندي هلندي سفر پورو ٿي ويو.
[b]غلام علي سنديلو[/b]
فقير سائين، سهراب فقير جي وڇوڙي سان اسان سنڌ واسين ۽ خود سنڌ کي تمام گهڻو ڏک رسيو آهي ــ هو اسان فنڪارن لاءِ ڇپر ڇانوَ هو.
[b]اياز ملاح[/b]
سهراب فقير هڪ ناميارو صوفي راڳي هئڻ سان گڏ اسان جي قوم جو انمول سرمايو هو، هُو غريبن جو همدرد به هوندو هو. مون ساڻس ڪافي محفلن ۾ ڳايو به هو ۽ ٻاهرين دنيا ۾ به گڏ ڳايو مانس. فقير سائينءَ کان 2001ع ۾ مون ڳانو ٻڌرايو ۽ سندس شاگرد بڻيس. سهراب فقير جي وڇوڙي جو خال صدين تائين مشڪل سان ڀرجي سگهندو.
[b]جمال الدين فقير[/b]
سنڌي موسيقيءَ جي تاريخ ۾ ڪجهه نالا جيڪي خاص ڌرتيءَ تي جنم وٺي پنهنجو پاڻ ملهايو استاد الهڏنو نوناري، گلزار علي خان، محمد جمن، محمد يوسف ۽ ٻيا، سهراب فقير به ان مالها جو هڪ موتي هو. عارفاڻي ڪلام ڳائڻ ۾ سهراب فقير جو ڪو به ثاني مونکي ڪونه ٿو سجھي.
[b]حميد راڄپر[/b]
سهراب فقير اسان جو اَمُلهه موتي هو، هو هڪ ماڻڪ هو، جنهن جي وڃڻ سان سنڌي موسيقيءَ جي دنيا ۾ هڪ وڏو خالُ پيدا ٿي پيو آهي. فقير جي صورت منهنجي مرشد در محمد سائينءَ سان ملندي هئي. الله پاڪ کيس جنت ۾ جڳهه عطا ڪَري آمين.
[b]سيد شير شاهه[/b]
سهراب فقير جي دم سان ٽالپر وڏا ۾ جيڪا رونق هوندي هئي، اها اڄ ختم ٿي وئي. منهنجا سهراب فقير سان واسطا، ناتا ٽن حوالن سان هئا. هڪ ته هو منهنجو ڳوٺائي هو، ٻيو مان شآعر هو فنڪار هو ۽ ٽيون ته مان به صوفي آهيان هو به صوفي هو.. سهراب فقير هڪ مڪمل انسان هو. محبت سندس مذهب هو. هُو گهر پاڙو ـــ برادر ـــ ڳوٺ ئي نه پر اڄ سڄي سنڌ کي سوڳوار ڪَري وَيو آهي.
[b]ڪرم ٽالپر[/b]
اڄ سهراب فقير اسان وٽ نه رهيو آهي پر سندس آواز آلاپ ـــ اسان جي آس پاس هوائن ۾ گونجندا رهندا. سندس صورت جيڪا سچي صوفيءَ جو ڏيکُ ڏيندي هئي، اها اسان جي اکين جي البم ۾ هميشه لاءِ محفوظ رهندي. اسان سڀ سندس چاهيندڙ پريم نگر جي ڳلين ۾ گهمندا رهنداسين.
[b]ڊاڪٽر ضمير ڦل[/b]
سهراب فقير منهنجو پسنديده راڳي هوندو هو ــ مان جڏهن به ريڊيو تي پروگرام ڪندو آهيان، فقير جو ڳايل ڪلام ضرور نشر ڪندو آهيان. مونکي سهراب فقير جي وڇوڙي جھوري ڇڏيو آهي. رب پاڪ کيس جنت ۾ جاءِ عطا ڪَري.
[b]اياز ميمڻ
انائونسر ريڊيو پاڪستان خيرپور[/b]
سهراب فقير پنهنجي قدرتي ڪلا جي ذريعي صوفي راڳ کي جيڪو جيون ڏنو اهي، اُنَ لاءِ اسان صوفي فڪر سان لاڳاپيل ماڻهو سندس وڏا وڙ ٿا مڃون، جيڪي ماڻهو پنهنجو ورثو ڇڏي ويندا آهن اهي ڪڏهن به مرندا ناهن. سهراب فقير زندهه آهي ۽ زندهه رهندو. شالَ اسان سهراب فقير جي ڇڏيل ورثي کي سنڀالي رکون.
[b]آصف لاکائي
[/b]
سهراب فقير هڪ اهڙو فنڪار هو، جنهن جي آواز ۾ اهڙو ميٺاج هو، جو ڪو فنڪار ڪيترو به چاهي اهو سندس آواز ۾ پيدا نه ٿو ٿي سگهي. هو طبيعت جو نرم ۽ مٺڙي لهجي جو مالڪ هو ـــ فقير جو وڇوڙو راجستاني راڳ جو وڇوڙو آهي.
[b]رياض ميمڻ[/b]
فقير جي زندگي هت موت ۾ گذري ٿي، ان کانپوءِ هُنَ جي حياتي شروع ٿئي ٿي. سهراب فقير جي ظاهري وڇوڙي سنڌ واسين کي جھوري وڌو آهي پر فقير پنهنجي فن ۽ فڪر جي ڪري امر آهي ۽ هميشه سنڌين جي دلين ۾ رهندو .
[b]صوفي منظور اڄڻ[/b]
ريڊيو پاڪستان خيرپور تان جڏهن پهريون ڀيرو سهراب فقير جو آواز گونجيو هو ته ٻڌندڙ هڪ ڪنا ٿي اُهو مڌر آواز ۽ آلاپ ٻڌڻ لاءِ مجبور ٿي پيا هئا. سندس آواز ۽ آلاپ جڏهن به ٻڌندو آهيان ته جان مان سيسراٽيون نڪري وينديون آهن.
[b]ذاڪر سولنگي [/b]
سهراب فقير سڀني سان محبت ڪندڙ فنڪار هوندو هو. اڄ ان کي مرحوم لکندي منهنجا هٿ ڏڪي رهيا اهن. سهراب فقير صوفي راڳ ۽ صوفي ازم جي پرچار دنيا جي ڪيترن ئي ملڪن ۾ ڪئي .
[b]احسن رانا[/b]
سهراب فقير صوفياڻي راڳ جو بادشاهه هو. منهنجيون ساڻس ڪيتريون ئي رهاڻيون ٿيل هيون. هُو سائين جي ايم سيد سان وڏي محبت ڪندو هو. سچل سائينءَ کي جهڙيءَ ريت سهراب فقير ڳايو ـــ اهڙو ٻئي ڪنهن نه ڳايو ــ مولا سائين کيس پنهنجي پيارن جي پاڙي ۾ جاءِ ڏئي.
[b]عبدالواحد آريسر[/b]
چاچا سهراب فقير جي تڏي تي دعا گهرون پيا ۽ اڄ وري چئون ٿا ته چاچا سهراب فقير سنڌ جو فخر ۽ سونهن هو ۽ رهندو به ـــ سهراب فقير سنڌ جي ثقافت جي علامت رهيو آهي ــ اسان کي خوشي آهي ته اسان به انهيءَ سنڌ ۾ پيدا ٿيا آهيون جيڪا چاچا سهراب فقير جي جنم ڀومي آهي ــ فنڪار ۽ شاعر ڪڏهن به مرندا ناهن، سندن فن ۽ ڏات سدائين امر رهندا، جيئي چاچا سهراب فقير ۽ جيئي ان جي سهڻي ڏات.
[b]سسئي پليجو
صوبائي وزير ثقافت حڪومتِ سنڌ[/b]
مرحوم فقير سهراب علي (صوفيءَ) کي مرحوم لکندي قلم کي اعتبار نه آيو. امر راڳي صوفي، باصفا سهرا ب سنڌ جي ثقافت جو سفير هو. هن سنڌ کان ٻاهر شاهه، سچل ۽ ٻين صوفي بزرگن جي ڪلام کي متعارف ڪرايو. سندس ڪردار اِنَ ڏس ۾ ساراهه جوڳو رهيو ــ سهراب فقير سان منهنجو قرب جو رستو جوانيءَ جي زماني کان هڪ فن شناس ۽ قدردان جي حيثيت سان رهيو . هن مونکي هميشه عزت ۽ محبت ڏني.
[b]الطاف اثيم[/b]
ماڻهو سڀ نه سهڻا پکي سڀ نه هنج
ڪنهن ڪنهن ماڻهوءَ منجههُ اچي بوءِ بَهار جي
شاهه سائينءَ جي هن سهڻي بيت مُطابق مرحوم سهراب فقير جي فن ۽ شخصيت تي بيان لاءِ لفط نه ٿا ملن جو سندن تعريف ۾ بيان ڪجن. الله رب العزت کيس جنت الفردوس ۾ جاءِ عَطا ڪَري ۽ پونيئرن کي اهو ڌڪ برداشت ڪرڻ جي همت عَطا ڪَري.
[b]جهانگير قُريشي[/b]
سهراب فقير تمام عظيم شخص هو، هُنَ جون سنڌ لاءِ تمام وڏيون خدمتون ۽ قربانيون آهن. هُنَ سنڌ جي ثقافت کي اُجاڳر ڪيو. الله پاڪ سهراب فقير جي اولاد کي ان جي نقش قدم تي هلڻ جي توفيق عطا فَرمائي.
[b]نواب خان وساڻ
ميمبر قومي اسيمبلي[/b]
ٽالپر وڏا هونئن ته مختلف حوالن سان پنهنجي هڪ الڳ حيثيت ۽ سڃاڻپ رکي ٿو پر سهراب فقير جي شخصيت ۽ آواز ٽالپر وڏا جهڙي ننڍڙي شهر جي تاريخ کي هڪ نئون رنگ ڏنو. سهراب فقير جي وفات صوفي سُنگ جي هڪ باب جي بند ٿيڻ واري حيثيت سان اسان دوستن لاءِ هڪ دل ڏکوئيندڙ لمحو آهي. اڄ نه صرف اسين اداس آهيون پر خير محمد فقير هيسباڻي ــ سچل سائين جي درگاهه به هن ماٺيڻي ماڻهوءَ جي مٺڙن سُرن ٻڌڻ لاءِ اُداس ۽ آتا آهن.
[b]ڊاڪٽر مشتاق ڦل
سيڪريٽري جنرل ـــ سنڌي ادبي سنگت [/b]
موت هڪ حقيقت آهي جنهن کان انڪار ناهي پر فنڪار پنهنجي ڏات وسيلي پنهنجي فن کي ابديت جي سرحد تائين پهچائي ”هونداسي حيات“ وارو درجو حاصل ڪري ٿو. منفرد صوفي راڳي سهراب فقير به اهائي منزل ماڻي آهي، پنهنجي طبعي حياتي پوري ڪري ، هو اسان کان ڌار ضرور ٿي ويو آهي پر هُنَ جون صَدائون، سنڌ جي جھر جھنگ ۾ گونجنديون رهنديون، اُهائي فنڪار جي مهانتا آهي.
راڳي ته هليو ويو راهه وٺي
آواز فِضا ۾ گونجي ٿو
[b]ادل سومرو [/b]
سهراب فقير پنهنجي رنگ ۽ ڍنگ جو يگانو صوفي راڳي هو. جنهن تصوف جي فڪر ۽ ان فڪر سان لاڳاپيل شاعرن جي ڪلامَ کي، ڏيهان ڏيهه پهچائڻ ۾ اهم ڪردار ادا ڪيو. سنڌي راڳ ۽ خاص طور تي صوفي راڳ لاءِ سندس خدمتون سدائين ياد رهنديون ۽ راڳ جي تاريخ جو اهم باب بڻيل رهنديون. سهراب فقير جي وڇوڙي تي سڄي سنڌ سوڳوار آهي ۽ آءٌ سموريءَ سنڌ سان سندس ڏک ۾ شريڪ آهيان.
[b]ايازگل[/b]
سهراب فقير جي وفات سنڌي صوفياڻي راڳ جو وڏو نقصان آهي. سهراب فقير سنڌ جي صوفياڻي شاعريءَ کي ڏيهان ڏيهه مشهور ڪيو. قدرت کيس من موهيندڙ آواز ڏنو هو، سندس وفات نه صرف صوفي راڳ جو نقصان آهي پر ان سان گڏوگڏ صوفي فڪر جو پڻ نقصان آهي.
[b]مهرخادم[/b]
سهراب فقير جي وڇوڙي سان سنڌ ۾ صوفي راڳ جو اهم باب پورو ٿي ويو. سهراب فقير بلا شڪ ڏات ڌڻي ۽ پنهنجي فن ۾ يڪتا هو. هُنَ صوفي راڳ کي سنگ جي شڪل ڏئي ان کي درگاهن کان ٻاهر ميلن ۽ مختلف اسٽيجن تي آندو. گذريل پنجويهن سالن دوران هن پنهنجي ڏات ذريعي صوفي راڳ کي نه صرف سنڌ ۽ پاڪستان ۾ مقبول بنايو پر ان کي دنيا جي ٻين ملڪن ۾ به متعارف ڪرايو سهراب فقير جي وفات يقيناًصوفي راڳ ۽ موسيقيءَ لاءِ هاڃيڪار آهي.
[b]شمس جعفراڻي
اڳوڻو سيڪريٽري ڪلچر ـــ حڪومت سنڌ[/b]
سهراب فقير سنڌ ڄائو ۽ سنڌ ڌرتيءَ جي گود ۾ سُتو، سندس وڇوڙو سنڌ ۽ سنڌي ثقافت لاءِ وڏو الميو آهي. هو هميشه محبت، مان ۽ پيار جو پيامبر هو ــ هو نهايت خوش خلق هو ـــ سهراب فقير جي وفات تي سڄي سنڌ رو
ئي ٿي.
[b]شاهه محمد ياسر بوزدار[/b]
سهراب فقير جو آواز ماکيءَ کان به مٺو هو ـــ هو نهايت ڀلوڙ راڳي هو. هُنَ خيرپور کان ٻاهر سڄيءَ دنيا ۾ سچل ۽ ٻين صوفين جي پيغام کي عام ڪيو.
[b]پهلوان محرم علي مجيداڻو[/b]
اڄ اسان جنهن عظيم صوفي راڳي سهراب فقير جي تڏي تي ويٺا آهيون، جنهن اسان جي هن ننڍي ڳوٺ بوزدار وڏا ۽ ٽالپر وڏا جي شهرت ۽ ۽ عزت ۽ سڃاڻپ سڄيءَ سنڌ ۾ ڪرائي ۽ صوفي رنگ واري ٻولي عام ۽ خاص تائين پهچائي ڇڏي. اهو سندس ڪارنامو هميشه ياد رکيو ويندو.
[b]علي گل بوزدار[/b]
فقير سهراب سائين صوفياڻي ڪلام جو ماهر ڳائڻو هو جيئن استاد منظور علي خان شهنشاهه ڳائڻو هو، تيئن سهراب فقير به پنهنجي دنيا جو هڪ عظيم ڳائڻو هو. ٻنهي جي جڳهه ڀرجڻ نهايت مشڪل آهي.
[b]مير منور حسين ٽالپر
چيئرمين سول سوسائِٽي ــ خيرپور. [/b]
صوفي سهراب فقير سنڌ لاءِ رب طرفان هڪ عظيم تحفو هو. هن صوفي راڳ جي جيڪا خدمت ڪئي اها صدين تائين ياد رکي ويندي. اهڙو سنڌ پرست ۽ محب وطن فنڪار صدين کانپوءِ پيدا ٿيندو آهي.
[b]شبير جمالي [/b]
صوفي سهراب فقير سنڌ جي مشهور راڳي فنڪارن ۾ منفرد شخصيت جو مالڪ هوندو هو. فقير سائين انسانيت دوست فنڪار هو. هو درويش صفت انسان هو. ان جو خال ڀرڻ نهايت مشڪل آهي.
[b]ايڊووڪيٽ علي شير مڪول[/b]
اڄ کان ٽيهارو سال اڳ 1979ع ۾ جڏهن اسان پوپٽ پبلشنگ طرفان ٽالپر وڏا هاءِ اسڪول ۾ ٻارڙن جو ميلو منعقد ڪيو هو. سهراب فقير سان منهنجي پهرين ملاقات اتي ٿي ۽ سندس مرڻ تائين اهو پيار وارو سلسلو جاري رهيو. سهراب فقير جي آواز ۾ جيڪو جادو هو اهو شايد ڪنهن ٻئي فنڪار جي آواز ۾ ڪونهي هو هڪ پيار ڪندڙ فنڪار هو ان جي پيار ۽ پنهنجائپ واري انداز کي اسان ڪڏهن به وساري نه ٿا سگهون.
[b]قربان منگي[/b]
سهراب فقير سنڌ جو اهو الستي آواز جنهن پنهنجي منفرد ۽ انوکي انداز سان سچل ۽ سنڌ جي ٻين صوفي شاعرن جي پيغام کي بين الاقوامي سطح تائين پهچايو ـــ سهراب فقير جهڙا ڏاتيار صدين کانپوءِ جنم وٺندا آهن ۽ پنهنجي مٽيءَ جي سڃاڻپ بڻجي ويندا آهن.
[b]امر اقبال[/b]
سهراب فقير سنڌ جو سداحيات صوفي شاعر ۽ راڳي هو جنهن جوانيءَ کان وٺي آخري دمن تائين سڄي دنيا اندر صوفي سُرن ۽ اندر جي اڌمن کي وکيريو. اسان سڀئي سنڌ واسي کيس سلام پيش ڪيون ٿا.
[b]نظر محمد ڳاهو
پوليٽيڪل سيڪريٽري ـــ وزير اعليٰ سنڌ [/b]
مرحوم سهراب فقير جڳ مشهور فنڪار هو. سندس لاڏاڻو سنڌ جي فن ۽ ٻوليءَ جو وڏو نقصان آهي سندس خدمتن تي خيرپور واسين کي وڏو فخر آهي. اسان سندن پونيئرن سان ڀرپور همدردي ڪيون ٿا.
[b]سيد جاويد علي شاهه جيلاني
اڳوڻو ميمبر قومي اسيمبلي [/b]
تصوف جي جان، سڃاڻپ ۽ صورت فقير سهراب فقير جو جيتوڻيڪ آخري ديدار ته نصيب نه ٿيو پر هو زندهه آهي ۽ زندهه رهندو ـــ سهراب فقير جو آواز ۽ آلاپ هر دل جو آواز ۽ آلاپ آهي ـــ سهراب فقير دلين جو مالڪ ۽ روح کي ريجھائيندڙ هستي هو ۽ آهي جيڪو سدائين اسان وٽ رهندو.
[b]پروفيسر ڊاڪٽر قاصد ملاح
چيئرمين آرڪيالاجي شعبو ـــ لطيف يونيورسٽي خيرپور[/b]
سهراب فقير هڪ عوامي ملڪيت هو ۽ رهندو، جنهن لاءِ اڄ به هر ننڍي ۽ وڏي جي دعويٰ آهي ته هُو منهنجو آهي ۽ هُو واقعي سڀني جو آهي . سهراب فقير منهنجو بزرگ هو، عزيز هو ۽ دوست هو ۽ استاد هو. هن زندگي ۾ دنيوي مال ۽ اسباب ميڙڻ بجاءِ سُرن جي سوغات عيوض ماڻهن جي محبت جي مايا ميڙي جيڪا سندس اولاد جي کائڻ ۽ کپائڻ جي ناهي. سهراب فقير پنهنجن سُرن فن فڪر ۽ شاگردن جي شڪل ۾ زندگي ڀر زندهه رهندو.
[b]راز علي گل ڀٽو[/b]
سهراب فقير جي ڳائڻ ۾ عشقَ جي جھلڪ موجود آهي. هو صوفياڻي فڪر سان سچو رهيو. سهراب فقير جي سُنگ ڏيهه پرڏيهه ۾ مقبوليت ماڻي. هن ڀٽائي سچل ۽ غمدل فقير، خوش خير محمد فقير جي ڪلامن کي منفرد اندازَ ۾ ڳايو. ”گليان پريم نگر ديان“ ڪافي سهراب فقير ڳائي صوفياڻي راڳ ۾ هڪ نئون انداز ڏنو، جيڪا ڪافي سندس سڃاڻپ بڻجي وئي.
[b]منصور ميراڻي[/b]
سنڌ جي سُريلي صوفي راڳي سهراب فقير جي وڇوي سان سنڌ هڪ اهم شخصيت کان محروم ٿي وئي آهي. سهراب فقير جا سُر ۽ سنگيت جي دنيا سان ازلي ناتا هئا. سهراب جي سُر ۾ جيڪا اوچائي ملي ٿي، سا ڪنهن ٻئي صوفي راڳي ۾ شايد هجي. هن سنڌ جي صوفياڻي راڳ جي روايتن ۾ هڪ الڳ روايت جوڙي. سهراب فقير مڱڻهار فقيرن ۾ ڪمال جو هيرو هو،جنهن ڳائڪيءَ تي تحقيق ۽ اڀياس ڪرڻ جي ضرورت آهي.
[b]مختيار ملڪ [/b]
سهراب فقير نه فقط خيرپور، نه فقط سنڌ بلڪه پوري پاڪستان جو مايه ناز صوفي فنڪار هو جنهن پنهنجي سريلي آواز ۽ منفرد انداز سبب سنڌ جي فن ۽ ثقافت کي دنيا جي ڪيترن ئي ملڪن ۾ متعارف ڪرايو. فقير جي وفات کانپوءِ سنڌ ۽ موسيقيءَ ۾ هڪ خالُ پيدا ٿيو آهي.
ڪوثر ٻرڙو
سهراب فقير جي وڇوڙي سان صوفياڻي راڳ جي هڪ دؤر جي پڄاڻي ٿي. اڄ ائين ٿو لڳي ڄڻ سُرن آوازن ۽ آلاپن جو هڪ جهان ختم ٿي ويو.
[b]شوڪت نوناري [/b]
عظيم صوفي راڳي سهراب فقير جي وڇوڙي تي اسان جي فقط سنڌ نه بلڪه پوري ملڪ جا ماڻهو سوڳ وار آهن مون وٽ اهڙا لفظ ئي ڪونهن جن ذريعي پنهنجي ڏک جو اظهار ڪيان. جيستائين فقير سائين جا شاگرد هن دنيا ۾ موجود آهن تيستائين سندس نالو موجود رهندو.
[b]احمد علي قريشي
EDO روينيو خيرپور [/b]
سهراب فقير هڪ ڀلوڙ صوفي راڳي هو. سهراب فقير جو وڇوڙو پوري ايشيا کنڊ جو نقصان آهي اسان جي فقير لاءِ اُها دُعا آهي ته رب سائين کيس جنت ۾ جاءِ عطا ڪري.
[b]سيد ڪامل شاهه
اسسٽنٽ ڊائريڪٽر ـــ سچل اڪيڊمي خيرپور [/b]
هر نفس کي موت جو ذائقو ضرور چکڻو آهي پر سهراب فقير جو موت هڪ تمام وڏو الميو ۽ سانحو آهي .
[b]خالق ڏنو نوناري
ڊپٽي ڊائريڪٽر ـــ سچل اڪيڊمي [/b]
گهڻو وقت اڳ پروگرام سهڻي ڌرتيءَ ۾ سهراب فقير کان فقير علي محمد جي ڪافي ”مين صوفي هان سرمستان“ نشر ڪرائي ته فقير سائين ٻاهر نڪري چيو ته ”ريڊيو تي هي ٻول
چئي معراج ڪرائي ڇڏيو“ سچ ته اڄ سهراب فقير جڏهن سنگ سان پنهنجي سفر تي روانو ٿيو ته مونکي ان معراج جو مفهوم سمجھه ۾ آيو.
[b]شوڪت خاصخيلي
اسٽيشن ڊائريڪٽر ريڊيو پاڪستان لاڙڪاڻو [/b]
فقير مرحوم سهراب علي فقير، سُنگ جي سونهن ۽ ورهه وارن جي ورونهن هو، ه
و پاڻ ته جسماني طرح اسان کان اوٽ ئي ويو آهي مگر روحاني طرح هو اسان سان هر مهل، هر پروگرام ۽ هر سنگ ۾ شامل آهي ۽ رهندو.
[b]فقير عطا فولادي[/b]
فقير سهراب علي هر معاملي ۾ صوفي لڳندو هو. ڳائڻ ۾ ڳالهائڻ ۾ ۽ لِباس ۾ به صوفي لڳندو هو. اسان جي دُعا آهي ته سندس پونئير به سندس پيروي ڪن ۽ سندس ورثي کي سنڀالين.
منور علي وساڻ
[b]تعلقه ناظم ـــ ڪوٽڏيجي [/b]
موسيقي ۽ راڳَ سان محبتَ انسانَ جي فطرتَ ۾ شامل آهي. اهڙن ئي انسانن جي دلين ۾ سهراب فقير هميشه زندهه رهندو. سهراب فقيرَ جي وڇوڙي سان سنڌُ جي صوفي راڳَ جو هِڪُ بابُ پورو ٿيو آهي. شالَ سندس پونئير سندس ڇڏيلَ سفرَ کي اڳتي وڌائيندا رهن.
[b]صلاح شيخ [/b]