حرف جر
1- کيسي ۾ قلم آهي.
2- مان توسان گڏجي هلندس.
3- مون وٽ ڪتاب آهي.
4- تو بنا منهنجو ٻيو ڪير آهي.
5- ميز تي عينڪ رکي آهي.
هنن جملن تي غور ڪندا ته ڏسندا ته پهرين جملي ۾ کيسي ۾ قلم جو تعلق ۾، ٻئي جملي ۾ ”مان“ ۽ ”تو“ ضمير جو تعلق ”سان“، ٽئين جملي ۾ ”ڪتاب“ جو تعلق ”وٽ“- چوٿين جملي ۾ ”تو“ ۽ ”منھنجو“ ضمير جو تعلق ”بنا“ ۽ پنجين جملي ۾ ”ميز“ ۽ ”عينڪ“ جو تعلق ”تي“، لفظ ظاهر ڪن ٿا. يعني: لفظ ”۾“، ”سان“، ”وٽ“ ”بنا“ ۽ ”تي“ هڪ شيءِ جو تعلق ٻي سان ڏيکارين ٿا. هي سڀئي لفظ حرف جر آهن. جر جي معنى آهي ڇِڪڻ يا ڪشش ڪرڻ- ياد رکو ته گرامر جا اهڙا لفظ، جيڪي هڪ اسم يا ضمير جي پٺيان اچي، ٻئي اسم يا ضمير سان، انجو تعلق ڏيکارين ۽ جملي جو صحيح مطلب ظاهر ڪن، تن کي حرف جر چئبو آهي.
حرف جر جو چارٽ
جو-سندو-کي-تي-۾-ڏي-ڪري-منجهه-کان-وٽ-مٿي-سوڌو-پر-لاڪر-منجهان-ڌاران-تان-منجهون
مشق
1- حرف جر ڇاکي چئجي؟
2- حرف جر جا پنج لفظ ٻڌايو؟
3- هيٺين جملن مان حرف جر چونڊيو؟
1) هو مرگهي وگهي مري ويو.
2) منهنجي ڪري توکي تڪليف پهتي.
3) رياض کي ڪتاب ڏي.
4) ميز تي ٽوپي رک.
5) چمچي سان کير پيءُ.
6) حوض منجهه ڀِتر نه اڇل.
4- هيٺيان حرف جر جا لفظ جملن ۾ ڪم آڻيو؟
کي-پر-لاءِ-سان