سنڌيڪا سنڌي گرامر

صفت جا 3 درجا آهن.

1- صفت خالص 2- صفت تفصيل 3- صفت مبالغو.

1- صفت خالص:
اهو لفظ جيڪو جملي ۾ ڪنهن هڪ اسم يا ضمير جو گڻ، اوگڻ ڏيکاري.

مثال: انب مٺو آهي. هن جملي ۾ مٺو صفت خالص آهي.

2- صفت تفصيل:
اهو لفظ جيڪو جملي ۾، هڪ اسم يا ضمير جي ٻئي اسم يا ضمير سان ڀيٽ ڪري.

مثال: انب صوف کان مٺو آهي.
هن جملي ۾ ‘کان مٺو’ صفت تفضيل آهي. ياد رکڻ کپي ته صفت تفضيل ۾ ٻئي اسم يا ضمير جي پٺيان حرف جر جو، کان، مان، مون، منجهان لفظ ڪم آڻبا آهن.

3- صفت مبالغو:
اهو لفظ جيڪو هڪ اسم يا ضمير جي ٽن يا ٽن کان وڌيڪ اسمن يا ضميرن سان ڀيٽ ڪري.

مثال: انب سڀني ميون کان مٺو آهي.

مشق

1- صفت عددي ڇاکي چئجي؟
2- صفت ضميري جا 3 مثال ڏيو؟
3- صفت وصفي جي تعريف ڪريو.
4- هيٺين جملن مان صفتون چونڊي سندن قسم ٻڌايو.
1) هٻڇي ڇوڪر چار مٺا ۽ وڏا انب کائي ويو.
2) اٻاوڙائي پيڙا ۽ شڪارپوري آچار وٺي اچ!
3) سنڌي رسالا پڙهه ۽ سنڌي ٻولي ڳالهاءِ!
4) هوشيار ڇوڪر ڏڏ شاگرد کي پڙهائي ٿو.
5) چست ٻار ڊوڙي ٿو.
6) تکو گھوڙو ٽانگي ۾ آهي.
7) ٻه ته ٻارهن.
8) ٻارهون مھينو ٿڌو مھينو آهي.
9) ڪانگا ڪر ڪا ڳالهه.
10) صفت تفصيل ۽ مبالغو ڇاکي چئجي.