سنڌيڪا سنڌي گرامر

اهي لفظ، جيڪي اصل ۾ ضمير هجن پر جملي ۾ اسم جي صفت ڏيکارين.

مثال: هيڏو تلاءُ ڪنهن کوٽايو.
هن جملي ۾ هيڏو ضميري صفت آهي. جيڪو هي ضمير مان نڪتل آهي.

ڪي ضميري صفتون هي آهن.

هي ضمير مان = هيترو-هيڏو-ههڙو
اي ضمير مان = ايترو، ايڏو، اوترو.
هو ضمير مان = هوترو، هوڏو، ههڙو
جو ضمير مان = جيترو، جيڏو
تنھن ضمير کان = تيترو تيڏو
ڪنهن ضمير مان = ڪيترو، ڪيڏو، ڪهڙو.

مشق

1- ضمير خالص جا ڪهڙا قسم آهن؟ مثال ڏيئي سمجهايو.
2- ضمير متصل جون نشانيون ڪهڙيون آهن؟
3- ضمير مبھم ڇاکي چئجي؟
4- ضمير متڪلم ۽ ضمير مشترڪ جي ڀيٽ ڪريو.
5- هيٺين جملن مان ضمير چونڊيو.
1) ڪو ڪيئن چوي، ڪو ڪيئن چوي.
2) آءٌ جو ئي آهيان ، سوئي آهيان.
3) مُٺيس جھل مُھار، ڪُٺيس ڪاه مَ ڪرهو.
4) اُهي هوڏانهن وڃن ٿا.
5) ڪير ٿو گوڙ ڪري؟
6) توکي ڪنهن ٻڌايو؟
7) جيڪو لوچيندو سو لهندو.
8) اسان پاڻ توکي ڏٺو.