شاعري

جنگ جو اعلان

ڪتاب ”جنگ جو اعلان“ اوهان اڳيان حاضر آهي. هي ڪتاب سنڌ جي مزاحمتي شاعر ارڏي اترادي جِي مزاحمتي شاعري ۽ قومي گيتن جو مجموعو آهي. پڙهندڙ هن ڪتاب کي 80 جي ڏهاڪي جي سياسي تحريڪن کي سامهون رکي هي ڪتاب پڙهن.
Title Cover of book جنگ جو اعلان

مهمان نوازي

مهمان نوازي

بي گھر کي پنهنجو گھر ڏئي _ پاڻ بي گھر ٿي ويس
بي در کي پنهنجو در ڏئي _ پاڻ بي در ٿي ويس
بي زر کي پنهنجو ذر ڏئي _ پاڻ بي ذر ٿي ويس

بي کٽ پنهنجي کٽ ڏئي _ پاڻ بي کٽ ٿي ويس
بي پَٽ کي پنهنجو پَٽ ڏئي _ پاڻ بي پٽ ٿي ويس
بي تَرَ کي پنهنجو تَرُ ڏئي _ پاڻ بي تَرُ ٿي ويس

بي دل کي دل سان دل ڏئي _ پاڻ دل وارو ڪيم
بي گل کي گل سان گل ڏئي _ پاڻ گل وارو ڪيم
بي پر کي ”ارڏا“ پر ڏئي _ پاڻ بي پر ٿي ويس
پاڻ بي گھر ٿي ويس