اچي ملو
اچو اي دوستو اچو
اچي ملو ، اچي ملو
اڃا پيو سڏيان
اڃا پيو سڏيان
اٿو اٿو اي ساٿيو
ڪا درد جي دوا ڪيو
وجود کي بچائيو
۽ قوم سان نڀاهيو
سج نيزي پانڌ آ
۽ اس ۾ ڪو باند آ
اچو اهو ڇڏائيون
۽ اس کان بچائيون
ٻه چار ٻول ٻوليو
زبان پنهنجي کوليو
اڃا پيو سڏيان
اڃا پيو سڏيان
هي گھٽ آ ٻوساٽ آ
۽ باھ جهڙي لاٽ آ
ڪانه ٻي ڪا واٽ آ
اڳيان هي جيل گھاٽ آ
جيل گھاٽ ٽوڙيو
ڪڙي ڪڙي مروڙيو
اچو اچو ”ارڏا“ اچو
ڪيون ڪو غيرن لاءِ ڏچو
اڃا پيو سڏيان
اڃا پيو سڏيان