وفادار ڏِس
ڪري غور ويچار اي يار ڏس
ننڍا پنهنجي محلي جا ڪي ٻار ڏس
قبيلن ۾ هڪ ٻئي جا ناهن قريب
رهن ٿا هرگز اهي ڌار ڏس
ڪڏهن به کڻي پاڻ ۾ ٿا رسن
رسي جلد پرچڻ جا آثار ڏس
ٻين وٽ نه ٿا ڪن وڃي فيصلا
ڪندي پاڻ م عهدا اقرار ڏس
ڪرن راند ڀلجي ته هو غير سان
اهي ٻار پيارا سمجھدار ڏس
ملي پاڻ م گھر مٽيءَ جا بڻائن
مٽيءَ سان ڪرڻ پيار هروار ڏس
مٽيءَ جي گھرن کي ٻئي ڪنهن به ڊاهيو
ڏين سڀ انهيءَ کي چڱي مار ڏس
ٻارن کان ”ارڏا“ سبق وٺ پرائي
انهيءَ ڪسوٽي سان وفادار ڏس.