جڏھين به توکي وسارڻ چاھيم
جڏھن به،
توکي وسارڻ چاھيم
تنھنجي ھر ياد،
سُڪل ٻير جي ٽاريءَ وانگر،
ذھن ۽ روح جي ريشم سان وچڙي پيئي آ،
منھنجي دل،
مون سان وڙھي پيئي آ.
جڏھن به،
توکي وسارڻ چاھيم
تنھنجي ھر ياد،
ڪنھن ڏاج جي جوڙي ۾ رچيل،
سدا ملوڪ، شوخ، شرميلي،
خمار گاڏھين خوشبوءِ وانگر،
چؤطرف من ۾ ٽڙي پيئي آ،
منھنجي دل،
مونسان وڙھي پيئي آ.
جڏھن به،
توکي وسارڻ چاھيم،
تنھنجي ھر ياد،
ڪينسر جي وارڊ ۾
لادوا مريض جيان،
دلاسڙن جي دوائن تي ڌتاريل دلڙي،
پنھنجي ويڄن سان وڙھي پيئي آ،
منھنجي دل،
مونسان وڙھي پيئي آ،
جڏھن به توکي وسارڻ چاھيم.