ٿوھر جي ٿڃ
ٻڌايو! فتوا فروشن جي پيشوائن کي،
منافقن جي گروھن جي سربراھن کي،
خاڪي ورديءَ جي خود ساخته خدائن کي
وقت قيامت جو ڪين قائل آ،
قيامتن کان ھي انصاف ڪين ٿي سگھندا،
اسان سان ھاڻ حديثن جي ڪا حجت نه ڪريو،
شريعتن سان ھِنيان صاف ڪين ٿي سگھندا.
ھاڻ پٽڪن جي ورن جو اھو وچن آھي،
سسئي جي سيج لٽڻ جو ته سور سھسايو،
پر ڀنڀورن جا قتل معاف ڪين ٿي سگھندا،
اسين ٿوھر جي ٿڃ پي ته سگھون ٿا ليڪن،
ٿر جي مورن جا قتل معاف ڪين ٿي سگھندا،
ڄام شورن جا قتل معاف ڪين سگھندا.
(ٽوڙي ڦاٽڪ واري واقعي کان متاثر ٿي لکيل)