سڄو روپ دنيا جو ڌاري ڏٺوسي،
پنهنجو پاڻ ماري ۽ جياري ڏٺوسي.
هئو وعدو گڏ جيئڻ ۽ مرڻ جو،
ٻڏڻ مهل سو ٻئي ڪناري ڏٺوسي.
ڏنو ساٿ ڪنهنجو ۽ ڪنهن ڪنهنجو ناهي،
مگر پو ڀي ڪنهن کي پڪاري ڏٺوسي.
هجر ڄڻ ته هجرت ڪري آ هلي ويو،
جڏهن نانءُ تنهنجو اچاري ڏٺوسي.
سمنڊ يار سارو ويو ڄڻ ته وسري،
اکين ۾ جو تنهنجي نهاري ڏٺوسي.
تنهنجي هڪ نظر سان ويا سور سارا،
کڻي نيڻ توکي پڪاري ڏٺوسي.
خدارا سڏي هاڻي ڀر ۾ ويهاريو،
گهڻو هيڪلائن ۾ گهاري ڏٺوسي.
*