شاعري

پوءِ بہ چنڊ اڪيلو آھي

زبير سومري جي سنڌي ادب ۾ بنيادي سڃاڻپ هڪ شاعر واري آهي. پاڻ سنڌيءَ ٻوليءَ جي ڪلاسيڪل توڙي جديد صنفن-  بيت، وائي، سورٺو، گيت، غزل، ترائيل، هائيڪو، نظم، آزاد نظم، نثري نظم، ۽ ڏيڍوڻوـ سميت سمورين صنفن تي طبع آزمائي ڪئي آهي. خاص طور تي سنڌي بيت جي تخليق جي حوالي سان زبير سومرو، ھن وقت جي شاعرن ۾ اهم نالو آهي.

  • 4.5/5.0
  • 100
  • 27
  • آخري ڀيرو اپڊيٽ ٿيو:
  • زبير سومرو
  • ڇاپو پھريون
Title Cover of book پوءِ بہ چنڊ اڪيلو آھي

اُڏري وينداسين !

اُڏري وينداسين !
تو کان وسري وينداسين !

ٻن ٻارن جي جهيڙي وانگر،
نِبري وينداسين !
تو کان وسري وينداسين !

تو آڏو واٽھڙن جيئن،
گذري وينداسين !
تو کان وسري وينداسين !

ڇا ٿيو جي لوڪ دلين تي،
اُڪري وينداسين !
تو کان وسري وينداسين !

اُڏري وينداسين !
تو کان وسري وينداسين !