پبلشر نوٽ:
احساس پبليڪيشن جو هي 18 هون ڪتاب سنڌي ادب جي اُفق تي جلد اُڀري ايندڙ نوجوان شاعره مخدوم آسيه قريشي جي شاعريءَ جو پهريون مجموعو آهي. هن ڪتاب ۾ سندس خيالن جي اُڏام مان هن جي تخليقي سگهه جي پروڙ پوي ٿي ته هن جو مشاهدو ۽ مطالعو ڳوڙهو آهي. هن ڪتاب ۾ نزاڪت، سُونهن سان ڀريل نفيس ۽ سهڻن لفظن جي مالها پويل آهي. شاعريءَ جي مڙني صنفن تي تمام خوبصورت طريقي سان فني و فڪري حوالي سان شاعري سرجي وئي آهي.
هن موقعي تي نوجوان شاعره مخدوم آسيه قريشي کي سندس پهرين مجموعي شايع ٿيڻ تي مبارڪباد پيش ڪريون ٿا ۽ اهيو يقين سان چئي سگهون ٿا ته ايندڙ وقت ۾ هي نالو ”گمنامين جي اونداهين“ مان نڪري سنڌي ادب جي روشن راهه تي پنهنجي الڳ سڃاڻپ ضرور ٺاهيندو.
ڪتاب پڙهي ڪري پنهنجي قيمتي راءِ کان ضرور آگاهه ڪندا.
احساس پبليڪيشن -حيدرآباد
balochahsan110@gmail.com
03013324100