اکرن جي اوگھڙ

ھي ڪتاب حق نواز شيراز چانڊيو جي شاعريءَ جو پھريون مجموعو آھي. وسيم سومرو لکي ٿو:
”شيراز جا نظم پڙهي احساس ٿو اُڀري تہ هن جي نظمن ۾ ڪٿي ڪٿي گيت بہ جهاتيون پائيندي نظر اچن ٿا، ۽ اهي هن جي ڏات جي ڇُھاءُ کان ڪو ايترو پري بہ ناهن. مون هن جي وائي تي پاڻ ڪا سٽ ناهي لکي، دراصل مان هن جي غزل بعد نظم کي پڙهي انهن ۾ وڃائجي ويو آهيان، اهو بہ ممڪن ناهي تہ هن جي هرهڪ تخليق تي تفصيل سان لکجي. حق نواز شيراز چانڊيو پنهنجي دور جو هڪ سڄاڻ شاعر آهي، جنهن جي شاعريءَ جو هي مجموعو ” اکرن جي اوگهڙ “ مون کي پڪ آهي تہ پنهنجي پڙهندڙن وٽان ڀرپور موٽ ماڻيندو.“