آهي نبـــــــي اسان جو بيشڪ حيات يـــارو،
دل سان پڙهو مٿائنس، مڙئي صلوات يارو.
محبت بنا محمد، اسلام ڪجھ به ناهي،
ري حُب هاشمي جي، ناهي نجات يــــــارو.
هتڙي به حامي آهي، سڪرات ۾ به برحق،
الله آهي شـــــاهـــد بــعــــد از مَمَــات يـــارو.
نيڪن کي نيڪ عملن تي آسرو ليڪن،
احمــد تي آسرو آ مڙني عُصات (1) يارو.
وس کان ٿيس مان بيوس منهنجو نه وس اي يارو،
تن ۾ مدام مرسل جي آهي تات يارو.
’عبدالڪريم‘ عاشق جو ورد ۽ وظيفو،
صلـــــــوات جي سدائين وائي آ وات يارو.
*
مولوي عبدالڪريم ڪُهاڙو
لاڙڪاڻو