سانوري! سانوري! دل چوي ٿي وري،
نيڻ تنهنجا چُمان، ساھ تنهنجا ڇُهان.
سانوري! سانوري!
تنهنجي خوشبو منجهان، واس ٿورو وٺان،
پاڻ گهوري ڇڏيان، پاڻ واري ڇڏيان،
پوپٽن جا سڀئي رنگ تنهنجي مٿان،
سانوري! سانوري!
تنهنجي پايل منجهان، گيت جيڪي ڦُٽن،
تنهنجي ٽهڪن منجهان، چنگ جيڪي وڄن،
تن جي پويان پويان، مان ڀي جُهومان نچان،
سانوري! سانوري!
تون جڏهن ڀي ملين، مونسان هڪ ٿي وڃين،
دل چوي ٿي سدا، منهنجي ڀر ۾ هُجين،
توسان ڏک ۾ هُجان، توسان سک ۾ هُجان.
سانوري! سانوري!.