وَري وَري ٿو ڪَري ساڳي ڳالهِه
چَئيِ بِه ڪيِنَ چَوي ساڳي ڳالهِه
اَچي خوشيءَ سان، وَڃي پَـرَ روئي
سَبَبُ ٻِنهي جو هُجي ساڳي ڳالهِه
رکي هَٿَن کي چَپَن تي هوريان
ٿو دِل ئي دِل ۾ جَپي ساڳي ڳالهِه
ڏِسي کِلونو خوشيءَ ۾ جھوُمي
ڪِٿان هوُ ڳولهي لَهي ساڳي ڳالهِه
اَچَن جي خوابَ نَوان ڪِئَن سي اَچن
رَکي اَکيُن ۾ سُمهي ساڳي ڳالهِه
پَڙهي سَگھيِن جي تَه پَڙهُه ريتِ ڪَڻا
ٿي لَهَرَ لَهَرَ لِکي ساڳي ڳالهِه