اَکِ کوليان يا اَکِ ٻوُٽيان مان
اَکِ ۾ پَٿري، چُـڀَـن تَه ٿيِندي
شامَ سَڄي بَسِ هُنَ جوُن ڳالهيوُن
راتِ اَچَـڻَ تي گھُـٽَـن تَه ٿيِندي
باهِه ٻَري ڀَـلِ هُن جي دِلِ ۾
هِنَ دِلِ ۾ پِـڻِ جَـلَـن تَه ٿيِندي
مُنهُن ڪو پَنهِنجو اَگر مَٽي ٿو
پيشانيءَ تي شِڪَن تَه ٿيِندي
جي موُن جَـهِـڙو ڪِرشِنُ هوُندو
ميِرا جِيان هوءَ مَـگَـن تَه ٿيِندي
يادِ هُجي يا مَڙهُه ماڻهوءَ جو
هوريان هوريان سَـڙَن تَه ٿيِندي
چَنچَل چَڳَ کي ڪيرِ ڳِـلَـن تي
مَدهوشُ ذرا پَـوَن تَه ٿيِندي