ڪا ڳَري شئِه کَڻان تَه سوُرُ ٿِئي
جي وَري ٿو رَکان تَه سوُرُ ٿِئي
يادِ توکي ڪَيان تَه سوُرُ ٿِئي
توکي وِسري وَڃان تَه سوُرُ ٿِئي
هونءُ بِه آٿتُ اَچي ڪِٿي ٿو اَڄُ
ٿورو ڪَنهِن سان مِلان تَه سوُرُ ٿِئي
هيرَ اوندَهِه جي ڪِئن پَئي،
ڇا چَوان تِروِرو ڪو ڏِسان تَه سوُرُ ٿئي
ماٺِ پِڻِ گھاوَ ٿي ڪَري اوُنها
لَـفـظَ گَر ڪي چَوان تَه سوُرُ ٿئي
اَکڙيوُن ڪيِن ٿيوُن هَلَنِ هاڻي
خوابَ ٿورا اُڻان تَه سوُرُ ٿئي