هَر حَقيِقَت گلي لڳائي آ
جِندُ سُپنَنَ کان اِئن ڇَڏائي آ
ٽانڊا ٽانڊا اَندَرُ سَڄو آهي
چِڻِنگه هَر شامَ ڪا وِسائي آ
تُنهِنجو نالو ٻُڌي خوشي ٿي ٿِئي
دِلِ جيِ ڪَنهِن ڪُنڊَ ۾ سَڻائي آ
توکي چاهيوُن ٿا، توکي چاهيوُن ٿا
ڏاڍي وَڻَندَڙَ اِها صَفائي آ
موُن پُراڻو ڪَٻَٽُ ڏِٺو کولي
ڪُجھُه اُداسي اُتي بِه ڇائي آ
ڀِتِ تي وَيٺَلُ پَکي اُڏامي وَڃي
چيِزَ هَـرَ موُن اِئين وِڃائي آ
هوُ لِکي لَفظُ لَفظُ اَڌ - اَکري
موُن بِه وَرَ وَرَ چِٺي پَڙهائي آ
اَکِ جو ڦَهِلاءُ جي ڏِسيِن هُن جو
ساري دُنِيا اُتي سَمائي آ
وَقتَ جو قرضُ ڪِئَن رَهيو باقي
موُن چُڪائي تَه پائي پائي آ
هـو اَڌوُرو سَـبَـقُ مُـحـبَّـتَ جـو
بيل بي- وَقتِ ڪَنهِن وَڄائي آ