ذرا چَنڊَ سان نيڻَ مِلائي، موٽي آيا
اُڀَ تي پَنهِنجا پيرَ گھُمائي، موٽي آيا
سُپنَن سان نيبَهُه ٿيِندو ڪيسِيِتائيِن، چَـئُـه
لُـڙِڪَ اَکيُن کان پاڻُ ڇَڏائي، موٽي آيا
هيءُ ٿيِندو، هوُ پِڻِ ٿيِندو سوچيو هُنُ ڇا ڇا!
ماٺِ رَهي هوُ پوُرَ پَچائي، موٽي آيا
بَرپَٽَ ۾ تَـرَندَڙَ بادَلَ کي ڳولهَڻَ وارا
لُـڙڪَن سان ڏِسُ پاڻُ پُسائي، موٽي آيا
اُميدُنِ تي هَـلَـندا ها، تِن جا حالُ نَه پُـڇُ
اُميدُنِ جا پَـنـکَ ڪَپائي، موٽي آيا
پياسَ اَندَرَ جي آخِر ٻُجھَندي ڪِئَن، چَئُه بادل!
بَرپَٽَ ۾ هِڪَ بوُندِ وَسائي، موٽي آيا