مَهِلَ بي مَهِل زِندَگي گُـڙ مُـڙ
ڪيِئَن سَنواريان گھَڙي گھَڙي گُـڙ مُـڙ
راتِ خوابَن خُماريءَ ۾ گھاريِ
سَچّ چادَرَ صُـبُـحَ ڏِٺي گُـڙ مُـڙ
هُن جو چَهِرو بِه ڏارَ ڏارَ هُئو
موُن ڏِٺي راتِ چاندِني گُـڙ مُـڙ
موڪِليِ هُنَ گھڻيءَ مُحَبّتَ مان
پَـرَ مِلي موُنکي سوُکـڙي گُـڙ مُـڙ
روزُ ڪَپڙا نَوان نَوان ٿي وَٺي
پائي لوئي، خوشي چَري گُـڙ مُـڙ
ريلَ ۾، بَـس ۾، ڪارِ ۾، گھَـرَ ۾
ٿيِ رَهي آ، ڪا نيِنگِـري گُـڙ مُـڙ