روزُ دِلِ ذَهَنَ جي ٿِئي کِٽِ پِٽِ
مَهِلَ بي مَهِلَ ٿي هَلي کِٽِ پِٽِ
سانتِ ڊيڄاري ٿي ڇَڏي دِلِ کي
ڪا نَه ڪا دِلِ کي پِڻِ کَپي کِٽِ پِٽِ
کيسِ ڪو ٻِيو نَٿو سَتائي ڪَڏَهِن
پاڻَ ئي پاڻَ سان ڪَري کِٽِ پِٽِ
ڀاءُ ڀَلِ ڀاءُ سان ٺَهي نَه ٺَهي
ڀاءُ سان ڀاءُ جيان رَهي کِٽِ پِٽِ
دِلرُبا! توُن ئي دِلرُبا آهيِن
توسان اُلفَتَ ڀَري هُجي کِٽِ پِٽِ
توُن هَلي آ ڪَڏَهِن رُڳو مون لءِ
ساڻُ توسان نَه ڪا اَچي کِٽِ پِٽِ
زِندَگيءَ تائيِن، زِندَگي کِٽ پِٽ
مؤتَ کان پوءِ شَلَ ڇُٽي کِٽِ پِٽِ