شاعري

راج گهاٽ تي چنڊ

نامياري شاعر شيخ اياز جي شاعريءَ جو مجموعو ”راج گهاٽ تي چنڊ“ اوھان اڳيان پيش آھي. محمد ابراھيم جويو لکي ٿو تہ ”شيخ اياز پنھنجي ادبي تخليق جي فني اوچائيءَ جا سنڌا پاڻ قائم ڪري ٿو ۽ پاڻ ئي انھن کان مٿي اڀري ٿو.“ 

  • 4.5/5.0
  • 40
  • 26
  • آخري ڀيرو اپڊيٽ ٿيو:
  • شيخ اياز
  • ڇاپو پھريون
Title Cover of book راج گهاٽ تي چنڊ

’تون‘ تي تون آهين

’تون‘ تي تون آهين
منهنجي ڀون آهين،

او آيل! او سنڌڙي!
منهنجِي سارِي ڏات تون
منهنجي ’مون‘ آهين—

او آيل! او سنڌڙي!
تون ئي منهنجا بيت آن
تون وايون آهين—

او آيل! او سنڌڙي!
اڃا نڪتي ڇو نه تون
کاهيءَ کون آهين؟

او آيل! او سنڌڙي!
ويريءَ جي والارَ ۾
ڏينهن ته ڏون آهين!
او آيل! او سنڌڙي!