وَنُّ به ساڳو واسُ به ساڳو،
منُّ به ساڳو ماسُ به ساڳو،
ڌرتي ۽ آڪاسُ به ساڳو،
۽ ارتو اَتهاسُ به ساڳو،
پنهنجو جيءَ جياپو ساڳو،
پنهنجو ناسُ وِناس به ساڳو،
هڪٻئي کي ڇا لاءِ مِٽايون؟
هڪٻئي سان گڏ ڇو نه جِيون ٿا؟
هڪٻئي جو هَٿُ ڇونه وٺون ٿا؟
هڪٻئي کي سَڏُ ڇو نه ڏيون ٿا؟
ڀَوَ ساگَر جا ڀولَ ڏسي ڀي
هڪٻئي جو مَڏُ ڇو نه ٿيون ٿا؟
هڪٻئي سان گَڏُ ڇو نه جيون ٿا؟
هڪٻئي کي سَڏُ ڇو نه ڏيون ٿا؟
هڪٻئي جي مَڏُ ڇو نه ٿيون ٿا؟