تنهنجون ڳهليون ڳالهيون ڄڻ ڪي
کِکِيءَ کاريون آهن؛
چِٻَّ پَئي چرڙاٽ ڪري ٿي
اُڀَّ اُڏاريون آهن؛
آءٌ انهيءَ لئه چُپِ ۾ آهيان
توکي رَدَّ ڏيڻ جي چاهيان
* شبد ڪوش ۾ ٻولَ نه آهن
ڪچيون گاريون آهن!
ڪنهن تي سوچان؟ ڇا تي سوچان؟
جيڪي آهه ردي آهي؛
تو وٽ جيڪا نيڪي آهي،
منهنجي لاءِ بَدي آهي،
توکي ٿو جنهن وقت ٻڌان مان
هڪڙي ڳالهه پڇڻ ٿو چاهيان،
ڪهڙيءَ دنيا ۾ گهاريون ٿا
ڪهڙي هيءَ صدي آهي؟
ڪهڙي هيءَ صدي آهي؟
ڪهڙي هيءَ صدي آهي؟
_____
* شبدڪوش = ڊڪشنري، لغت