ابن بطوطه جي سوانح حيات
ابن جزي، جيڪو سندس سفرن جو اصل موقف ۽ مدير آھي، تنهن جي لکڻ موجب ھو طنجير(Tangier) جي شھر ۾ ٢٤ فيبروري سن ١٣٠٤ع ۾ ڄائو ھو، ۽ سندس سفرن جي تفصيل وار بيان موجب، معلوم ٿو ٿئي ته ھن جي موراڪو موٽڻ کان پوءِ ھن کي اتي موراڪي جي ھڪ شھر ۾ قاضيءَ جو عھدو ڏنو ويو ھو، جتي ھو سن ١٣٦٨ع يا ١٣٦٩ع ۾ وفات ڪري ويو، ھن جو اصل نالو محمد بن عبدالله ھو، ابن بطوطه سندس خانداني لقب ھو، اھو خاندان اڃا به موراڪو ۾ موجود آھي. سندس حياتيءَ جو وڌيڪ احوال سندس سفرن مان خود سندس زباني ھن ڪتاب ۾ موجود آھي، پر تنهن ھوندي به اسان سندس سڀني سفرن جو مختصر بيان ھيٺ ڏيون ٿا، ته ڪيئن ھن کي پھريائين سفر جو شوق ٿيو ۽ ڪيئن ھو ھندستان ۾ آيو.
زير نظر ڪتاب ۾ رڳو سندس انهيءَ سفر بابت احوال آھي، جيڪو ھن سنڌ، ھندستان ۽ آسپاس جي ڪن مختلف ٻيٽن ۾ ڪيو ھو.