شاعري

سنڌو ديسُ مهَانُ

هي ڪتاب ”سنڌو ديسُ مهانُ“ سنڌ جي خوبصورت شاعر بخشل باغيءَ جي شاعريءَ جو مجموعو آهي.
  • 4.5/5.0
  • 3181
  • 1063
  • آخري ڀيرو اپڊيٽ ٿيو:
  • بخشل باغي
  • ڇاپو پھريون
Title Cover of book سنڌو ديسُ مهَانُ

سنڌ جي قومي ادب جو ستارو

* نوجوان شاعر بخشل باغي 88ع کان شاعري ڪري پيو ۽ انهن 14 سالن جي دوران هو جنهن شاعريءَ جي آسمان تي وهائو تاري جيان چمڪي رهيو آهي، انهيءَ تاري مان چنڊ ۽ چنڊ مان سج بنجڻ ۾ مان ڀانيان ٿو ته هن کي ڪا گهڻي دير نه لڳندي. ڇاڪاڻ ته هن جي شاعري جو مٺاج، ان جي رواني، ان جي سونهن هن وقت به نکري نروار ٿي چڪي آهي ۽ سنڌي ادب جي خوبصورت کيتر ۾ پنهنجو پاڻ مڃائي چڪي آهي. جڏهن به ڪو قومي سماج جديد شهري تهذيب ڏانهن وک وڌائيندو آهي ته ان سماج جي جديد شعور جون روشنيون ان جي قومي لکڻين تي ڏيئن جيان ٻرڻ لڳنديون آهن ۽ انهن ڏيئن ۾ ڪيتريون ئي ادب، فن ۽ شاعريءَ جون لاٽون پنهنجي سماج، قوم ۽ ثقافت جي سونهن ۽ سوڀيان کي جرڪائڻ لڳنديون آهن جنهن ۾ اهي اديب ۽ شاعر جڳ مڳائيندا آهن. بخشل باغي سنڌ جي قومي ادب ۽ فن جو هڪ اهڙو ئي خوبصورت ۽ من موهيندڙ ستارو آهي، جيڪو اسان جي پنهنجي قومي ادب ۽ فن کي روشني ڏئي ۽ بخشي رهيو آهي. مون کي اميد آهي ته هن جي شاعري اڃا وڌيڪ جدت بنجي جرڪندي ۽ مهڪندي رهندي.
خاڪي جويو
8 مارچ -2002ع
حيدرآباد