اميدن جي جوت
اُميدن جي جوت آ، پوءِ به نظر ۾،
جيڪا گهر، گهر ۾، پکيڙينداسون پيا.
•
تو وٽ ماڙيون، مورچا، مون وٽ ڇپر ــ ڇانءَ،
تنهنجي جنت زندگي، منهنجي ڪڪر ڇانءَ،
پو ڀي مون کي آ مِٺي، هي جا ٻٻر ڇانءَ،
ٻاهران سُورج ٿو سَٽي، پوءِ به اندر ڇانءَ،
توکي مگر ڇانءَ،راس نه اچڻي آ اِها.
•
تنهنجون ڳُجهون ڳالهڙيون، آئون اياڻو،
تون سينگاريل سونَ سان، مان مٽيءَ هاڻو،
تنهنجو بستر فوم جو، منهنجو پٿراڻو،
تو وٽ مچن ميلڙا، سُڃو مون ڀاڻو،
مون کي پيڙهي روز ٿو، غربت جو گهاڻو،
ڪڏهن نه وڪاڻو، منهنجو پو به ضمير آ.
•
ڌرتي! تنهنجي درد جو، ڪنداسين دارون،
ڪري قطارون، مرنداسين تو ماءُ لئه.
•