وائي
ڳوٺاڻن ناهي ڪيو.
بمن ۽ بارود سان،
اجرڪ کي بدنام،
ڳوٺاڻن ناهي ڪيو.
ڏاڍو ٿِي ڏهڪاوَ سان،
ڏوڪڙ لاءِ غلام،
ڳوٺاڻن ناهي ڪيو.
ڌارِي ٻوليءَ ۾ پڙهي،
سنڌيءَ کي گمنام،
ڳوٺاڻن ناهي ڪيو.
شهرين جو قتلام،
توڙي خاص وَ عام،
ڳوٺاڻن ناهي ڪيو.
ڳوٺاڻن ناهي ڪيو.
***
وائي
تــو کان پَــرتـي مــان،
ٻيو ڪاڏي ويندس،
ڌرتي ماتا سنڌڙي!
تنهنجي ڏوهِيءَ سان سدا،
سينو ساهيندس،
ڌرتي ماتا سنڌڙي!
هر هڪ نينهن ڀَرِي نظر،
توکي آڇيندس،
ڌرتي ماتا سنڌڙي!
تون ئي منهنجِي آن امڙ،
تو تي سِر ڏيندس،
ڌرتي ماتا سنڌڙي!
تنهنجِي مٽيءَ منجهه سُمهي،
ٿانيڪو ٿيندس،
ڌرتـي ماتا سنڌڙي!
مِٺڙِي ماتا سنڌڙي!
***