شاعري

اکين جا پنڌ

آزاد مري سنڌ جي نوجوان شاعرن ۾ هڪ ڄاتل سڃاتل ۽ مقبول شاعر آهي.. سالن جي سفر هن جي لفظن کي اهڙي مڻيا ڏني آهي، جنھن کيس پختي شاعر جي روپ ۾ نروار ڪيو آهي. هن وقت هو سانگهڙ جي بھترين شاعرن ۾ شمار ٿئي ٿو.  ھن ڪتاب ۾ سندس غزل ۽ نظم شامل آھن.

  • 4.5/5.0
  • 75
  • 11
  • آخري ڀيرو اپڊيٽ ٿيو:
  • آزاد مري
  • ڇاپو پھريون
Title Cover of book اکين جا پنڌ

شوق پنھنجو نيٺ پاري وئين هليو،

شوق پنھنجو نيٺ پاري وئين هليو،
گور• ۾ مونکي سمهاري وئين ھليو.

اک سندو ڳوڙهو سڪي ئي ڪونه ٿو،
هانءُ تي تون هجر هاري وئين هليو.

ڀاڳ جي بس پاند ۾ ٽانڊا ھئا،
پاند ڏي تون واءُ واري وئين هليو.

پاڻ ساحل تان وري واپس وئين،
سمنڊ ۾ مونکي اتاري وئين هليو.

ڪونه هئي منهنجي کرڻ جي مند پر،
مند منهنجي کي تون کاري وئين هليو.

قيد زلفن ۾ رکين ھا ھو چڱو،
تون ڪري ’آزاد‘! ماري وئين ھليو.