سبحان ﷲ
چار ئي پاڪ نبيءِ جا دوست ولي، سبحان ﷲ سبحان ﷲ.
صديق صداقت وارو آ، ۽ پاڪ نبيءَ کي پيارو آ،
جنھن کي روضي ۾ آ جاءِ ملي، سبحان ﷲ سبحان ﷲ.
فاروق رسول جي آهي دعا، فاروق مشعل راھہ وفا،
ڪعبي جو در جنھن کوليو هلي، سبحان ﷲ سبحان ﷲ.
جنھن جمع ڪيو قرآن سڄو، جنھن مال ڪيو قربان سڄو،
عثمان جي عظمت آهي، ڀلي سبحان ﷲ سبحان ﷲ.
آ پاڪ نبيءَ جو سوٽ علي ۽ بتول جو گهوٽ علي،
ﷲ جو آ هي شير ولي، سبحان ﷲ سبحان ﷲ.
سجاد نبيءَ جا يار ڀلا، جن جا آهن ڪردار ڀلا،
اصحاب سوا ٻي ناهي ڳلي، سبحان ﷲ سبحان ﷲ.
*