جيئن توکي ﷲ ٺاهيو مڪمل،
تيئن مون بہ توکي آ چاهيو مڪمل.
اڏيل تنھنجي اوطاق منھنجي اکين ۾،
انھيءَ کي ڀلا ڇو ٿا ڊاهيو مڪمل.
اچي هو اوهان جي ئي پيرن ۾ پوندو،
ڀلي چنڊ کي هيٺ لاهيو مڪمل.
ڀلي آءٌ تو لاءِ سرمد نہ بڻجان،
اڀيچند تہ مون لاءِ آهيو مڪمل.
هي ڌرتيءَ جي گولي تي سنڌڙيءَ جو نقشو،
خدا ڪيئن نہ آهي بڻايو مڪمل.
اچي ويھہ منھنجي اکين ۾ تون جانان!
يا نيڻن ۾ مون کي رهايو مڪمل.
وڇوڙي جي واديءَ۾ سجاد پيو آ،
سڳي پيار جي ساڻُ ساهيو مڪمل.