شاعري

چنڊ جهڙا پرين

صابر سيدپوري سنڌ جي ان پرڳڻي جو شاعر آهي جتي لُڪ لڳندي آهي. جتي اَڪ تپندا آهن. هن جي اندر هڪ جُنون آهي. اِهو جُنون هن جو عشق آهي ۽ اِهو عشق هن جي شاعري آهي ۽ انهي شاعريءَ هن جي پنهنجي ڳوٺ سيدپور کان ٻاهر وٺي هن کي تقريبا پوري سنڌ سان متعارف ڪرايو آهي. ”چنڊ جهڙا پرين“ هن جو ٻيو شعري مجموعو آهي جنهن ۾ غزلَ ۽ واين کان سواءِ ٻين به ڪيترين صنفن جي بهار آهي. جيڪا ڪنهن به طور نظر انداز نه ٿي ڪري سگهجي.
Title Cover of book چنڊ جهڙا پرين

سنڌڙيءَ جو سرواڻ،

سنڌڙيءَ جو سرواڻ،
هڪ ئي آهي ڀٽ ڌڻي.
ٻين جي ڪڍڻي ڪين آ،
ڪنهن پر ڪائي ڪاڻ.

ڏکيءَ، سکيءَ ۾ سدا،
آهه رهيو جو ساڻ.

سنڌڙيءَ سندو آجپو،
سُجهي سا، اهڃاڻ.

جنهن تي ڪري ناز ٿو،
صابر هي مهراڻ.
هڪ ئي آهي ڀٽ ڌڻي.
*