پهريون گروپ
هڪ ٻٽيهن سالن جو جوان مون سان مليو. هن ڪافي وقت مون سان گذاريو ۽ هو ٻڌائي رهيو هو ته مان پنهنجي ڪم مان مطمئن آهيان. جڏهن ته هو احساس ڪمتريءَ ۾ مبتلا ٿي ڪري پنهنجي عملي زندگيءَ جو ڏيئو وسائي چڪو هو. هو ٻارن جهڙيون حرڪتون ڪري پنهنجو پاڻ کي هروڀرو مطمئن ڪري رهيو هو ۽ هو ان ڳالهه کي چڱيءَ طرح ڄاڻي به پيو. هو جنهن جاءِ تي وڌيو ويجهيو هو، اتي کيس حالتن سان مقابلو ڪرڻ سيکاريو ويو هو. هن تي ماحول جي رڪاوٽ اثر ڪري چڪي هئي، هو پنهنجو پاڻ کي قائل ڪري چڪو هو ته هو وڏو ڪم نه ٿو ڪري سگھي.
اهو شخص انهيءَ گروپ سان تعلق رکي ٿو، جيڪي موقعن جي تلاش کي ختم ڪري ويهندا آهن.